Rossiya Davlat dumasi 14 may kuni bo‘lib o‘tgan yalpi majlisda bosh vazir Mixail Mishustinning yangi hukumati uchun vazirlar nomzodini tasdiqladi.
Yangi vazirlarning tasdiqlangan ro‘yxati quyidagicha:
- Anton Siluanov - Moliya vaziri;
- Anton Alixanov - sanoat va savdo vaziri;
- Aleksandr Kozlov - tabiiy resurslar vaziri;
- Mixail Degtyarev - sport vaziri;
- Maqsut Shadayev – raqamli rivojlanish vaziri;
- Roman Starovoyt - transport vaziri;
- Aleksey Chekunkov - Uzoq Sharq va Arktikani rivojlantirish vaziri;
- Sergey Tsivilev - Energetika vaziri;
- Valeriy Falkov - Fan va oliy ta’lim vaziri;
- Irek Fayzullin - qurilish va uy-joy kommunal xo‘jaligi vaziri;
- Maksim Reshetnikov - Iqtisodiy rivojlanish vaziri;
- Mixail Murashko - Sog‘liqni saqlash vaziri;
- Olga Lyubimova - Madaniyat vaziri;
- Oksana Lut - qishloq xo‘jaligi vaziri;
- Anton Kotyakov - Mehnat va aholini ijtimoiy muhofaza qilish vaziri.
15 vazirdan o‘n nafari Mixail Mishustinning avvalgi hukumatida shu lavozimlarni egallagan. Birinchi marta Alixanov, Degtyarev, Lut, Starovoyt va Tsivilev yangi portfellarini olmoqda.
Bir kun oldin Davlat Dumasi bosh vazirning 10 nafar o‘rinbosarini tasdiqladi. Ulardan sakkiz nafari o‘z lavozimini saqlab qoldi, yangilari Dmitriy Patrushev (sobiq qishloq xo‘jaligi vaziri, Nikolay Patrushevning o‘g‘li) va Vitaliy Savelev (sobiq transport vaziri) edi.
2020 yilda Rossiya Konstitutsiyasiga kiritilgan o‘zgartirishlardan so‘ng, mudofaa, adliya, tashqi ishlar va ichki ishlar vazirlari lavozimiga nomzodlar Davlat Dumasi emas, Federatsiya Kengashi tomonidan tasdiqlanadi.
