Toshkent viloyati, Olmaliq shahrida yashovchi Isroilovlar xonadoniga echkiemar kirib qoldi, deb xabar berdi Ekologiya, atrof-muhitni muhofaza qilish va iqlim o‘zgarishi vazirligi.

Qayd qilinishicha, shu haqdagi murojaatdan keyin xonadon ko‘zdan kechirilgan va echkiemar kirib qolgani aniqlangan. Unga hech qanday jarohat yetkazilmagan.

Echkiemar salomat ekani sababli aholi yashash joyidan uzoq, bu jonivorlar yashashi uchun mos keladigan hududga qo‘yib yuborilgani ta’kidlanmoqda.