O‘zbekiston 775 mln dollarlik to‘qimachilik mahsulotlarini eksport qildi

Iqtisodiyot 07:52 / 06.05.2024 2051

O‘zbekiston 2024 yilning yanvar-mart oylarida qiymati 775,7 mln AQSh dollarlik to‘qimachilik mahsulotlarini eksport qilgan.

Statistika agentligi ma’lumotlariga ko‘ra, bu ko‘rsatkich umumiy eksportning 12,2 foizini tashkil etib, o‘tgan yilning mos davriga nisbatan 0,9 foizga oshgan.

Eksport qilingan to‘qimachilik mahsulotlari tarkibida tayyor to‘qimachilik mahsulotlari (37,7 foiz), kalava-ip (46,8 foiz) asosiy ulushni egallagan.

2024 yilning yanvar-mart oylarida dunyoning 55 ta davlatiga to‘qimachilik mahsulotlari eksport qilingan.

To‘qimachilik mahsulotlari tarkibida:

  • kalava-ip – 363,4 mln;
  • tayyor to‘qimachilik mahsulotlari – 292,5 mln;
  • trikotaj mato – 69 mln;
  • gazlamalar – 39,3 mln;
  • paypoq mahsulotlari – 11,5 mln dollar.
Ko‘proq yangiliklar: