Qoʻshimcha funksionallar

  • Tungi ko‘rinish

  • Toshkent sh.
  • Qoraqalpog‘iston
  • Andijon
  • Farg‘ona
  • Namangan
  • Samarqand
  • Buxoro
  • Xorazm
  • Surxondaryo
  • Qashqadaryo
  • Jizzax
  • Sirdaryo
  • Toshkent vil.
  • Navoiy
    • Jahon | 15:00 / 06.05.2024
    15092
    5 daqiqa o‘qiladi

    Braziliya janubida dahshatli suv toshqinlari - fotosuratlar

    Kamida 78 kishi halok bo‘lgan, o‘nlab kishilar bedarak yo‘qolgan, o‘n minglab kishilar o‘z uylarini tark etishga majbur bo‘lgan.

    Braziliya janubida kuchli yomg‘irlar so‘nggi 80 yillikdagi eng kuchli suv toshqinlariga sabab bo‘ldi. Tabiiy ofatdan eng ko‘p zarar ko‘rgan Riu-Grandi-du-Sul shtati rasmiylariga ko‘ra, kamida 78 kishi halok bo‘lgan, yana kamida yetti kishining o‘limi ushbu favqulodda vaziyat bilan bog‘liqligi tekshirilmoqda. Kamida 74 kishi bedarak yo‘qolgan deb hisoblanmoqda. Mahalliy aholi vakillaridan kamida 25 ming kishi o‘z uylarini tark etishga majbur bo‘lgan. Yarim millionga yaqin kishi elektr energiyasi va ichimlik suv ta’minotidan uzilib qolgan. Associated Press agentligi qayd etishicha, bu mintaqada so‘nggi yildagi to‘rtinchi suv toshqini bo‘lmoqda. 2023 yilda kuzatilgan so‘nggi tabiiy ofat oqibatida jami 75 kishi halok bo‘lgandi. Bu safargi suv toshqini 1941 yilgi rekordni yangiladi, ayrim hududlarda suv sathining kuzatuvlar tarixidagi eng yuqori darajasi qayd etildi. Quyida tabiiy ofatdan jabrlangan shaharlardagi vaziyat aks etgan suratlar keltiriladi.

    Braziliyaning eng janubiy shtati hisoblangan Riu-Grandi-du-Sul shtati poytaxti — Portu-Alegri aglomeratsiyasi tarkibiga kiruvchi Kanoasa munitsipalitetidagi suv bosgan hududlarning yuqoridan ko‘rinishi, 4 may
    Isaac Fontana / EPA / Scanpix / LETA
    Kanoasada yashovchilar suv bosgan uyi oldida favqulodda xizmatlar vertolyoti orqali evakuatsiya qilinishini kutmoqda, 4 may
    Isaac Fontana / EPA / Scanpix / LETA
    Dron orqali olingan fotoda Lajyeadu munitsipalitetida 3 may kungi suv toshqini oqibatlari aks etgan. Nyu Yorkdagi mashhur Ozodlik haykalining Braziliyadagi replikalari Havan do‘konlar tarmog‘i ro‘parasida o‘rnatilgan — kadrda ulardan biri aks etgan
    Jeff Botega / Agencia RBS / Reuters / Scanpix / LETA
    Portu-Alegri aglomeratsiyasiga yondosh joylashgan yana bir shaharcha Prayya-de-Paketada suv bosgan avtomobil yo‘li, 3 may. Bu joyda Jakui daryosi qirg‘og‘idan toshib chiqqan
    Isaac Fontana / EPA / Scanpix / LETA
    Portu-Alegri markazi ham suv toshqinidan jiddiy jabr ko‘rgan. 4 may kuni olingan fotoda mahalliy aholi yoppasiga evakuatsiya qilinganidan keyin huvullab qolgan kvartallar aks etgan
    Renan Mattos / Reuters / Scanpix / LETA
    4 may kuni Portu-Alegrida olingan yana bir kadr. Shtat poytaxtida Guaiba daryosi ham toshib chiqqan
    Ramiro Sanches / Getty Images
    4 may kuni olingan bu fotoda Riu-Grandi-du-Sul shtatidagi San’at muzeyi aks etgan — Portu-Alegridagi diqqatga sazovor me’moriy obidalardan biri bo‘lgan bu muzeyda braziliyalik rassomlarning ijod namunalaridan iborat yirik kolleksiya saqlanadi
    Matheus Piccini / Getty Images
    Portu-Alegrida suv bosgan yana bir diqqatga sazovor maskan — Mario Kintana nomidagi madaniyat uyi. Avvaliga mehmonxona sifatida qurilgan bu joy ko‘rgazmalar, kinonamoyishlar va boshqa madaniy tadbirlar o‘tkaziladigan joyga aylangan. Bu yerga XX asrdagi taniqli brazil shoiri nomi berilgan. 4 may
    Matheus Piccini / Getty Images
    Portu-Alegrining tarixiy qismidagi ko‘chalarning suv toshqini vaqtidagi ko‘rinishi, 4 may
    Anselmo Cunha / AFP / Scanpix / LETA
    Kanoaslik kishi mushugini qutqarmoqda, 4 may
    Carlos Macedo / AP / Scanpix / LETA
    Braziliya qurolli kuchlari harbiylari Kanoasa aholisi vakillariga evakuatsiyada yordam bermoqda, 4 may
    Carlos Macedo / AP / Scanpix / LETA
    Portu-Alegri aholisi shtat poytaxti bo‘ylab qayiqda harakatlanmoqda, 4 may
    Matheus Piccini / Getty Images
    Enkantadu munitsipalitetida suv toshqini oqibatida loyga botib qolgan avtomobillar, 3 may
    Diego Vara / Reuters / Scanpix / LETA
    Jakui daryosidan toshib chiqqan suv ichida qolgan otlar, Prayya-de-Paketa, 3 may
    Isaac Fontana / EPA / Scanpix / LETA
    #Braziliya #suv toshqinlari

    Tavsiya etamiz

    So‘nggi yangiliklar

    Barcha yangiliklar

    Mavzuga oid

    22:28 / 15.07.2025

    Braziliya prokuraturasi sobiq prezident Bolsonaruni davlat to‘ntarishiga urinishda aybladi

    14:31 / 11.07.2025

    Hakerlar Braziliya banklaridan 140 million dollar o‘g‘irladi

    14:41 / 07.07.2025

    BRICS davlatlari Trampning bojlarini tanqid qildi

    11:41 / 07.07.2025

    O‘zbekiston BRIKSning hamkor davlatiga aylandi