56 yoshli tadbirkor Azamat Xoliqovga jinoyat ishi doirasida bir necha kun avval qamoq ehtiyot chorasi qo‘llanilgan edi. Azamat Xoliqov Kun.uz bir necha bor yoritgan “To‘dako‘l ishi” bilan bog‘liq ishda tomonlardan biri edi.

Qiziltepa tumanida yashovchi tadbirkor Azamat Xoliqov vafot etdi. Bu haqda tumanda janoza xabarlari berib boriladigan Telegram guruhda e’lon qoldirilgan. 

Manbaga ko‘ra, tadbirkor bundan bir necha kun avval tergovga jalb qilinib, ehtiyot chorasi sifatida qamoqqa olingan bo‘lgan.  Azamat Xoliqov sog‘ligidagi jiddiy muammo sabab 26 aprel kuni erta tongda tergov izolyatorida vafot etgan. 

Tadbirkorning qanday asoslar bo‘yicha tergovga jalb etilgani haqida aniq ma’lumot yo‘q. 

Azamat Xoliqov 1968 yilda Qiziltepa tumanida tug‘ilgan.  U Kun.uz bir necha bor yoritgan To‘dako‘l ishida tomonlardan biri bo‘lgan “Golden Lake Fish” MChJ ta’sischisi edi.