Amerika universitetlarida G‘azo sektoridagi urushga qarshi aksiyalar tinmayapti — talabalar kampuslarda palatkalar o‘rnatib, AQShdan Isroil bilan har qanday moliyaviy aloqalardan voz kechish va yarim yildan buyon davom etayotgan harbiy harakatlarni qo‘llashni to‘xtatishni talab qilmoqda. Kolumbiya universiteti namoyishlar markaziga aylandi. O‘tgan haftada oliy ta’lim muassasasi rahbariyati politsiyani chaqirdi, natijada 100 dan ortiq kishi qo‘lga olindi. Keyin vaziyat keskinlashdi — va Yyelda, Ostindagi Texas universitetida, Janubiy Kaliforniya universiteti hamda Boston universitetlarida yana o‘nlab kishilar ushlandi.

22 aprel kuni Kolumbiya universiteti rahbariyati kunduzgi darslar bekor qilingani haqida e’lon berdi. Ikki kun o‘tib masofadan ta’lim imkoniyatini ko‘zda tutuvchi «gibrid» formatdagi mashg‘ulotlar sxemasi yil oxiriga qadar uzaytirildi, bunda bitirish imtihonlari ham onlayn bo‘ladi. Universitetlar kampuslarni yopmoqda, Janubiy Kaliforniyada xavfsizlik nuqtayi nazaridan asosiy bitiruv marosimi bekor qilindi, ammo boshqa universitetlarda namoyishlar davom etmoqda.