23 aprel kuni Gretsiya poytaxti Afinada osmon Shimoliy Afrikadan esgan shamol bilan kelgan chang tufayli to‘q sariq rangga kirdi. Rasmiylar shahar aholisiga ochiq havoda uzoq qolishdan qochishga chaqirib, bunday changda allergik reaksiyalar qo‘zg‘atuvchi yoki nafas olish yo‘li bilan bog‘liq kasalliklarni kuchaytiruvchi zararli zarrachalar mavjudligidan ogohlantirdi. 25 aprel kuni shamol yo‘nalishi o‘zgarganida chang tarqalib ketishi kutilmoqda. Afina osmoni uchun Afrikadan kelgan chang bulutlari hosil bo‘lishi — yiliga bir necha bor kuzatiladigan hodisa hisoblanadi.