24 aprel kuni Toshkent shahrida navbatdagi «Avtomobilsiz kun» aksiyasi o‘tkaziladi.
Bu «O‘zbekiston-2030» strategiyasini «Yoshlar va biznesni qo‘llab-quvvatlash yili»da amalga oshirishga oid davlat dasturi to‘g‘risida»gi prezident farmonida belgilab qo‘yilgan.
Aksiya doirasida Toshkent shahrida joylashgan barcha davlat idoralari xodimlari jamoat transporti, velosiped hamda atrof-muhitga zarar yetkazmaydigan boshqa transport vositalaridan foydalanishadi.
Shuningdek, aholiga ham ushbu transport vositalaridan foydalanish tavsiya etiladi.
