Qashqadaryo viloyati YHXB komandiri o‘rinbosari YTH sodir etdi

Jamiyat 15:13 / 18.04.2024 15544

Qashqadaryo viloyati Yakkabog‘ tumanida viloyat IIB YHXB YPXB komandiri o‘rinbosari boshqaruvidagi mashina ishtirokida yo‘l-transport hodisasi yuz bergan.

Bosh prokuratura matbuot kotibi Hayot Shamsutdinovning Kun.uz'ga ma’lum qilishicha, hodisa 11 aprel kuni sodir bo‘lgan.

Viloyat IIB YHXB YPXB komandiri o‘rinbosari Sh.S. boshqaruvida bo‘lgan “Lasetti-2” mashinasi Yakkabog‘ tumani “Oqtosh” MFY hududidan 4R-84 Chiroqchi – Yakkabog‘ – Sho‘rbozor avtomobil yo‘li va Yakkabog‘ – Sandal avtomobil yo‘li kesishgan chorrahada fuqaro E.O.ga tegishli “Nexia-2” bilan to‘qnashgan.

Ushbu YTHda hech kim jarohat olmagan, faqat har ikkala mashinaga zarar yetgan.

Qayd etilishicha, hodisa joyi Yakkabog‘ tumani prokuraturasi tergovchisi tomonidan ko‘zdan kechirilib, sudga oid avtotexnika hamda baholash ekspertizasi tayinlangan.

Ko‘proq yangiliklar: