Bosh prokuratura huzuridagi departament hamda DXXning Jizzax viloyati boshqarmalari tomonidan G‘allaorol tumanida tezkor tadbir o‘tkazilgan.

Unda, muqaddam firibgarlik jinoyati uchun sudlangan M.X. va A.A. fuqaro Yu.Q.ning ishonchiga kirib, go‘yoki uni 18 000 AQSh dollari evaziga Yevropa davlatlari orqali Amerika Qo‘shma Shtatlariga ishga yuborishini aytib, 2 000 AQSh dollari va 200 mln so‘mni olgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 25, 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.