2024 yil birinchi choragida 262 ming litr sifatsiz neft mahsulotlari aniqlandi. Bu haqda Energetika vazirligi huzuridagi «O‘zenergoinspeksiya» xabar berdi.
Qayd qilinishicha, nazorat-kimyo laboratoriyasi tomonidan neft mahsulotlari sifatini nazorat qilish bo‘yicha nazorat tadbirlari o‘tkazilgan. Yanvar-mart oylarida avtomobillarga yoqilg‘i quyish shoxobchalarida 25 ta holatda 262 ming litr neft mahsulotlarining sifatsizligi aniqlanib, sotuvga chiqarilishi to‘xtatilgan.
Aniqlangan holatlar yuzasidan mahsulot sifatini tiklash bo‘yicha ko‘rsatmalar berilib, ularning bajarilishi nazoratga olingani ta’kidlanmoqda.
