Toshkentda ikki avtobus haydovchisi o‘rtasida o‘zaro janjal yuz berdi
Haydovchilardan biri belgilangan harakat jadvaliga rioya qilmasdan boshqa haydovchining avtobusidan oldin harakatni boshlab yuborgan. Buyuk Ipak Yo‘li ko‘chasidagi janjal tufayli haydovchi boshqa avtobusning kalitini olib ketib qolgan.

Foto: Sputnik
Toshkent shahrida 1-avtobus yo‘nalishining ikki haydovchisi o‘rtasida kelishmovchilik sodir bo‘ldi. «Toshshahartransxizmat» holat yuzasidan rasmiy ma’lumot berdi.
2024 yil 12 aprel kuni soat 20:05 larda «5-avtobus saroyi» filiali tasarrufida bo‘lgan «MAN A22» rusumli 1-yo‘nalish bo‘ylab harakatlanadigan avtobus haydovchisi R.O‘. va 1-yo‘nalishda harakatlanuvchi «MAN A22» rusumli avtobus haydovchisi M.F. o‘rtasida mojaro kelib chiqqan.
Xabarda aytilishicha, M.F. belgilangan harakat jadvaliga rioya qilmasdan R.O‘. boshqaruvidagi avtobusdan oldin «BIY» bekatidan «Yugnakiy mavzesi» bekati tomon harakatni oldin boshlab yuborgani sababli Mirzo Ulug‘bek tumani Buyuk Ipak Yo‘li ko‘chasi «Sayohat» bekati qarshisida o‘zaro janjal yuzaga kelgan va haydovchi R.O‘. haydovchi M.F. boshqaruvida bo‘lgan «MAN A22» rusumli avtobusning kalitini olib ketib qolgan.
Mazkur holatdan xabar topgan «5-avtobus saroyi» mutasaddilari tezkorlik bilan yo‘nalishga chiqib, avtobusning kalitini haydovchiga yetkazgan hamda avtobus o‘z yo‘nalishida harakatlanib yo‘lovchilarni belgilangan manzilga olib borgan.
Shundan so‘ng, ushbu ikki avtobus «5-avtobus saroyi» filiali hududiga olib kelingan va haydovchilar bilan bo‘lgan voqea yuzasidan tushuntirish ishlari olib borilgan. Shuningdek, yo‘nalish davomida avtobusda yo‘lovchilar bo‘lishiga qaramasdan ushbu avtobusning kalitini olib ketib, yo‘lovchilarning kutib qolishiga sabab bo‘lgani va korxona ichki mehnat tartibini buzgani uchun haydovchi R.O‘.ga nisbatan qat’iy intizomiy chora ko‘rilishi ma’lum qilindi.
Mavzuga oid

12:53 / 12.06.2025
Toshkentdan Issiqko‘lga mavsumiy avtobus qatnovlari boshlandi

00:00 / 10.06.2025
Navoiy viloyati uchun Xitoydan 60 ta avtobus olib kelindi

13:59 / 05.06.2025
Qozog‘istonda O‘zbekiston fuqarolari bo‘lgan avtobusda yong‘in chiqdi

09:57 / 04.06.2025