2024 yil yanvar-mart oylarida respublika miqyosida yuridik va jismoniy shaxslar tomonidan soliq majburiyatlarining ixtiyoriy bajaralishi 96 foizni tashkil etdi. Bu haqda Soliq qo‘mitasi xabar berdi. 

Qayd qilinishicha, bu borada eng yaxshi ko‘rsatkich yirik soliq to‘lovchilar va Toshkent shahrida qayd etilgan – 97 foiz.

Shuningdek, Buxoro, Navoiy, Jizzax, Samarqand, Surxondaryo, Toshkent, Farg‘ona va Xorazm viloyatlarida 96 foiz, Qoraqalpog‘iston Respublikasi, Andijon va Namangan viloyatlarida 95 foiz, Qashqadaryo va Sirdaryo viloyatlarida 94 foiz natijaga erishilgan. 

Soliq turlari kesimida bu ko‘rsatkichlar quyidagicha:

- yer qa’ridan foydalanganlik uchun soliq – 99 foiz;

- aksiz solig‘i – 98 foiz;

- foyda solig‘i va JShODS – 97 foiz;

- QQS – 96 foiz;

- AOS, mol-mulk solig‘i – 95 foiz;

- Yer solig‘i – 94 foiz;

- suv resurslaridan foydalanganlik uchun soliq – 90 foiz.