Gretsiyada yong‘in xavfining yuqori darajasi e’lon qilindi

Kuchli shamol tufayli kuchayishi mumkin bo‘lgan o‘rmon yong‘inlari fonida Gretsiyaning bir qancha mintaqalarida ikkinchi eng jiddiy yong‘in xavfi darajasi - to‘rt darajaga o‘tkazildi. Bu haqda 6 aprel kuni mamlakat Fuqarolarni himoya qilish vazirligi ma’lum qildi.

Departament ma’lumotlariga ko‘ra, shu kunning o‘zida butun mamlakat bo‘ylab 71 ta o‘rmon yong‘inlari sodir bo‘lgan. Mamlakat o‘t o‘chirish xizmati ta’kidlaganidek, yong‘inlarning aksariyati nazoratga olingan bo‘lsa-da, ulardan biri – Krit orolida – xabar e’lon qilingan paytda hamon yonayotgan edi. Yong‘in oqibatida uch kishi yengil tan jarohati olgan.

Kuchli shamol kutilmoqda

9 aprelgacha Gretsiyaning ba’zi hududlarida 60 km/soatgacha kuchli shamol esib, «vaziyatni yong‘inlar uchun o‘ta xavfli qiladi», deya ta’kidlab o‘tdi vazirlik. Gap Afina mintaqasi, mamlakatning markaziy qismi, Kiklad orollari va Krit haqida bormoqda.

Mutaxassislarning ta’kidlashicha, Gretsiyada odatda may oyida boshlangan o‘rmon yong‘inlari mavsumi texnogen iqlim o‘zgarishi tufayli ertaroq boshlanishi mumkin.