ADM Global yangi Kia Sonet shahar krossoveriga narxlarni e’lon qildi

Jamiyat 18:37 / 04.04.2024 34665

2024 yil 1 aprel kuni Kia Uzbekistanʼning rasmiy saytida krossoverlarning o‘z liniyasidagi eng ixcham model sanalgan Sonetʼning narxlari e’lon qilindi. Ushbu krossover O‘zbekiston hududida, payvandlash va kuzovi bo‘yalishidan tortib, to avtomobillarning so‘nggi sinovdan o‘tkazilishigacha bo‘lgan jarayonlarni o‘z ichiga oluvchi to‘liq texnologik sikl (SKD) bo‘yicha ishlab chiqarilayotgan Kiaʼning ilk modeli hisoblanadi. Avtomobil O‘zbekistonda uchta komplektatsiyada, modelga oldindan buyurtma berishni boshlash davrida maxsus narx bo‘yicha taqdim etiladi:

Classic –  189 900 000 so‘m

Luxe –  222 900 000 so‘m

Prestige –  239 900 000 so‘m narxlarda.

Kia Sonet –  ixcham zamonaviy shahar krossoveridir. Ushbu so‘nggi urfdagi krossover zamonaviy dizayn, qulaylik va ilg‘or texnologiyalarni taklif etib, bular uni yosh va o‘zini hurmat qiluvchi insonlar orasida mashhur smart –  krossoverga aylantiradi. Kichik o‘lchamlariga qaramay, Sonet taniqli bo‘lgan «Yo‘lbars tabassumi» radiator panjarasiga hamda «yurak urishi» uslubidagi yorug‘likdiodli optikasiga ega. Sonetʼning so‘nggi urfdagi qiyofasi e’tiborni o‘ziga jalb etadi, «yo‘ltanlamas elementlar» esa unga yanada dadil va qat’iyatli ko‘rinish baxsh etadi. Katta, 205 mmga teng yer sathidan balandligi tufayli, Sonet uchrashi mumkin bo‘lgan deyarli har qanday vaziyatda o‘zingizni ishonchli his qilasiz.

Sonetʼning intereri ko‘plab jozibali yechimlarga ega. U o‘zida zamonaviy «integratsiyalashtirilgan» qurilmalar paneli va multimedia tizimining ekranini, rangni tanlash imkoniyatiga ega bo‘lgan interer zonalarining yoritilishini, mobil qurilmalarni simsiz zaryadlash paneli va USB ulagichlarining mavjudligini uyg‘unlashtiradi. Sonet, shuningdek, kichik krossoverlarda kamdan kam hollarda uchraydigan premium toifasidagi Bose audio tizimini taklif etadi. Uzunligi –  4120 mm, kengligi –  1790 mm va balandligi –  1625 mm (tomdagi reylinglarni hisobga olgan holda –  1642 mm) bo‘lgan o‘zining ixcham o‘lchamlariga qaramay, Sonet ikkinchi qator o‘rindiqlarining oddiy holatida yetarli darajada katta bo‘lgan 392 litr hajmli yukxonaga ega.

Kia Sonet – yaxshi muvozanatli va texnik jihatdan mukammal avtomobil bo‘lib, vaqt sinovidan o‘tgan, maksimal quvvati 115 ot kuchiga teng bo‘lgan to‘rt silindrli 1,5 MPI benzinli dvigatel bilan jihozlangan. Dvigatel olti pog‘onali mexanik transmissiya yoki avtomatik uzatish qutisiga taqlid qiluvchi va dvigatel aylanishlarini optimal oraliqda saqlaydigan «intellektual» variatorli IVT bilan juftlikda ishlaydi. Shuningdek, avtomobilni haydash uslubi va yo‘l sharoitlariga yanada aniqroq moslashtirish uchun harakat rejimlarini tanlash tizimi mavjud. Kia Sonetʼning barcha taqdim etilayotgan komplektatsiyalari old privodlidir.

Kia Sonetʼning bazaviy jihozlanishi kuzov rangida bo‘yalgan yon ko‘zgular korpuslari va eshik tutqichlarini, radiator panjarasidagi qora porloq hamda old va orqa bamperlardagi kumush rang qo‘shimchalarni, markaziy tirsak tayanchini, haydovchi uchun ko‘zoynak qutisi va ikkinchi qatori o‘rindiqlari uchun xushmuomala chiroqni, yukxona bo‘lmasi yoritilishi va tokchasini, barcha eshiklardagi oyna ko‘targichlar elektr privodini, rul ustunining balandlik bo‘yicha sozlanish imkoniyatiga ega ko‘p funksiyali rul chambaragini, masofadan boshqariluvchi markaziy qulfni, 4 dinamikli audio tizimni, immobilayzerni, mobil qurilmalarni ulash uchun Bluetooth  modulini nazarda tutadi. Komplektatsiyasidan qat’i nazar, yorug‘ diodli faralar va kunduzgi yurish chiroqlari, gabarit chiroqlari va orqa chiroqlar o‘rnatiladi.

Classic komplektatsiyasida krossover olti bosqichli mexanik uzatmalar qutisi bilan jihozlanadi. Avtomobilning 100 km/soat tezlikka tezlashishi 10,6 soniyaga teng, kombinatsiyalangan sikldagi yoqilg‘i sarfi 6,5 l/100 km. Sonet Classic konditsioner bilan jihozlanadi, o‘rindiqlar kombinatsiyalangan (mato/sun’iy charm) qoplamga ega. 215/60R16 shinali shtamplangan po‘lat diskli 16 dyuymli g‘ildiraklar o‘rnatiladi.

Kia Sonet Luxe variatorli transmissiyaga ega bo‘lib, 100 km/soat tezlikka 11 soniyada tezlashadi, yoqilg‘i sarfi – 100 km uchun 6,2 litr. Krossover tomdagi reylinglar, tumanga qarshi faralar va xromlangan tashqi tutqichlar bilan jihozlangan. Haydovchi o‘rindig‘i qo‘shimcha ravishda balandligi bo‘yicha sozlanishga ega. Shuningdek, ushbu komplektatsiyaga dvigatelni ishga tushirish tugmasi bo‘lgan Smart Key  kalitsiz kirish tizimi, avtomatik iqlim nazorati, kruiz – boshqaruvi va Android Auto va Apple Carplayʼni qo‘llab – quvvatlovchi 8 dyuymli rangli displeyli hamda 6 ta dinamikli multimedia tizimi kiradi. Krossover, shuningdek, orqa parkovka datchiklari, dinamik markirovka chiziqlari bo‘lgan ortni ko‘rinish kamerasi va yorug‘lik datchigi bilan ham jihozlangan.

Kia Sonet, Prestige Maksimal komplektatsiyasida oyna osti chizig‘i xromlangan moldinglari, 215/60R16 shinali 16 dyuymli yengil qotishma diskli g‘ildiraklar, tomdagi elektr privodli lyuk, tashqi ortni ko‘rish ko‘zgularning buklanishi elektr privodi, qizil chokli sun’iy charm bilan bezatilgan o‘rindiqlar, old o‘rindiqlarning ventilyatsiyasi tizimi, charm qoplamli rul va transmissiya selektori dastagi, elektroxromli (o‘z – o‘zidan xiralashadigan) ESM salon ko‘zgusi, Avto funksiyali haydovchi eshigining oyna ko‘targichi, interer jabhalarining dinamik yoritilishi, pedallardagi metall qoplamalar, 4,2 dyuymli displeyga ega Supervision qurilmalar paneli, Drive Mode Select haydash rejimini tanlash tizimi, old parkovka datchiklari, 7 dinamikli Bose audiotizimi va markaziy konsoldagi mobil uskunalarni simsiz zaryadlash paneli bilan jihozlangan.

Ta’kidlash joizki, Kia an’anaviy ravishda asosiy e’tiborni xavfsizlikka qaratadi. Sonetʼning kuzovi bardoshli po‘latdan, jumladan, yuqori chidamli va o‘ta yuqori chidamli navlaridan tayyorlangan. Avtomobil old xavfsizlik yostiqchalari bilan, Prestige konfiguratsiyasi esa – yon xavfsizlik yostiqchalari va pardachalari bilan jihozlangan. Bundan tashqari, avtomobil tormoz blokirovkasiga qarshi tizim (ABS), kurs barqarorligi tizimi (ESC), qiyalikda qo‘zg‘olishga yordam tizimi (HAC), shinalardagi bosimni nazorat tizimi (TPMS) hamda ISOFIX bolalar o‘rindig‘ining mahkamlanishi va harakatlanish paytida eshiklarni avtomatik qulflash kabi xavfsizlik tizimlari bilan jihozlangan.

Ixcham Sonet krossoverlariga Kiaʼning jozibador an’anaviy zavod kafolat shartlari amal qiladi. Ishlab chiqaruvchi qay biri birinchi kelishiga ko‘ra 5 yil yoki 150 000 kilometr yurishga kafolatni taqdim etadi.

 Telefon: +998 (55) 500-83-33

Sayt | Instagram | Telegram | Telegram-bot

Ko‘proq yangiliklar: