Zelenskiy safarbarlik yoshini pasaytirish to‘g‘risidagi qonunni imzoladi 

Ukraina prezidenti Volodimir Zelenskiy «Harbiy majburiyat to‘g‘risida»gi qonunga tegishli o‘zgartirishlar kiritish haqidagi qonunni imzoladi. 

Uning avvalgi tahririda aytilishicha, Ukrainada harbiy holat davrida 18 yoshdan 27 yoshgacha bo‘lgan, harbiy xizmatni o‘tamagan erkaklarni safarbar qilish mumkin emas edi. Zelenskiy bir necha oy davomida ushbu qonunni imzolamadi. Ukraina parlamenti 2023 yil 30 mayda qonunni yoqlab ovoz bergan edi. 

Yangi tahrirdagi qonun 18 yoshdan 25 yoshgacha bo‘lgan, harbiy xizmatni o‘tamagan erkaklarni safarbar qilish mumkin emasligini nazarda tutadi. 

7 fevral kuni Oliy Rada safarbarlik to‘g‘risidagi keng ko‘lamli qonun loyihasini birinchi o‘qishda qabul qildi. Shuningdek, harbiy xizmatga chaqirilish yoshini 27 yoshdan 25 yoshga tushirish nazarda tutilgan. Ushbu hujjat, shuningdek, harbiy xizmatchilarni 36 oylik xizmatdan keyin demobilizatsiyani joriy qiladi, elektron chaqiruvlarni qonuniylashtiradi va harbiy xizmatga chaqirishni bekor qiladi, uni umumqo‘shin tayyorgarligi bilan almashtiradi.