Sirdaryo viloyati Oqoltin tumani hokimligi kuchli shamol oqibatida ko‘p qavatli uyning tom qismiga yetkazilgan zarar bo‘yicha ma’lumot berdi.

Qayd etilishicha, kuzatilgan kuchli shamol ta’sirida Oqoltin tumani Yangi davr mahallasi Yoshlar ko‘chasidagi 19-ko‘p qavatli uyning profnastil bilan qoplangan 10 kvadrat metr tom qismiga zarar yetgan. 

Tuman hokimi, sektor rahbarlari va tuman favqulodda vaziyatlar bo‘limi xodimlari zudlik bilan voqea joyiga yetib borgan. Hodisa oqibatida tan jarohati olganlar yo‘q.

«Ayni paytda talofat oqibatlarini bartaraf etish ishlari olib borilmoqda», deyiladi xabarda.