"Dunyo" xabariga ko‘ra, suhbat davomida ikki tomonlama savdo-iqtisodiy hamkorlikni jadallashtirish, O‘zbekistonga xorijiy investitsiyalarni jalb qilish, misrlik yirik tadbirkorlarni mamlakatda amalga oshirilayotgan muhim loyihalarda ishtirokini ta’minlash kabi masalalar muhokama qilindi.

Uchrashuvda, shuningdek, O‘zbekistonga Misrning yirik ishbilarmon doira vakillaridan iborat delegatsiyaning biznes missiyasini tashkil etish masalalari ham ko‘rib chiqildi.

Delegatsiya tarkibidan tekstil, farmatsevtika, qishloq xo‘jaligi, tog‘-kon, kimyo, moliya, qurilish, zargarlik va boshqa sohalardagi 17 ta yirik kompaniyalar rahbarlari o‘rin olishi ta’kidlandi.

Muzokaralar yakunida Misr kompaniyalariga O‘zbekistondan turdosh salohiyatli mahalliy hamkorlar topish va tashrif kun tartibini belgilash maqsadida onlayn shaklida uchrashuvlar tashkil etish to‘g‘risida kelishib olindi.