Bugun, 14 mart kuni tijorat banklarida 1 AQSh dollarining sotuv kursi 12545–12610 so‘m, sotib olish kursi 12485–12520 so‘mni tashkil qilmoqda.

Joriy yilning boshidan beri milliy valuta birinchi raqamli xalqaro valutaga nisbatan 1,62 foizga o‘z qadrini yo‘qotgan. Bu ko‘rsatkich 2023 yil davomida 9,7 foizni tashkil qilgan.

O‘zbekiston Markaziy banki 14 martdan boshlab 1 AQSh dollarining milliy valutaga nisbatan qiymatini 12 546,02 so‘m (+12,01 so‘m) deb belgilagan.

Markaziy bank belgilaydigan xorijiy valutalarning so‘mga nisbatan rasmiy kursi O‘zbekiston hududida buxgalteriya hisobi, statistika hisoboti va boshqa hisobot maqsadlari uchun, shuningdek bojxona va boshqa majburiy to‘lovlarni hisoblash uchun ishlatiladi.