Toshkent viloyatida 31 yoshli erkak poyezd urib yuborishi oqibatida vafot etdi

Jamiyat 11:13 / 13.03.2024 13833

5 mart kuni Toshkent viloyati O‘rta Chirchiq tumanida poyezd urib yuborgan 31 yoshli erkak vafot etdi. 

«Millar» dasturida xabar qilinishicha, erkak temiryo‘lning belgilanmagan qismidan o‘tayotgan bo‘lgan. Oqibatda uni yo‘lovchi poyezd urib yuborgan va erkak voqea joyida vafot etgan.

Tergovga qadar tekshiruv ishlar davomida fuqaro spirtli ichimlik iste’mol qilgani aniqlangan. Marhumning onasi o‘g‘li bir kun oldin farzandli bo‘lgani, ayolini tug‘ruqxonadan olib chiqish uchun tayyorgarlik ko‘rish maqsadida uyidan chiqib ketganini bildirgan.

Toshkent transport prokuraturasi tomonidan tergov ishlari olib borilmoqda.

Ko‘proq yangiliklar: