Pentagon o‘zga sayyoraliklar mavjudligini tasdiqlovchi dalil topolmadi

Pentagon o‘zga sayyoraliklar mavjudligi va AQSh hukumatining ular bilan o‘zaro aloqasi haqida hech qanday dalil topolmadi. Departament xulosalari 8 mart, juma kuni AQSh Kongressiga Barcha sohalarda anomaliyalar bo‘yicha maxsus boshqarma (AARO) tomonidan taqdim etildi. Hisobot mualliflari 1960-yillarda NUJ haqidagi xabarlar ko‘payishini Amerika ayg‘oqchi samolyotlari va kosmik texnologiyalar sinovlari bilan bog‘lagan.

Hisobotda aytilishicha, NUJ haqidagi ko‘plab xabarlar «javobsiz yoki noma’lum qolmoqda». Biroq, ekspertlarning fikriga ko‘ra, «ko‘proq va yaxshiroq ma’lumotlar bilan» bu holatlar aksariyati tekshirilishi va ular begona harakatlar bilan bog‘liq emas degan xulosaga kelish mumkin. 

Biroq, AARO ular hisoboti ko‘pchilikning o‘zga sayyoraliklar borligiga ishonchini yo‘qqa chiqarmasligini tan oldi. 

Avvalroq AQSh razvedkasi NUJni milliy xavfsizlikka tahdid deb atagandi 

2021 yil iyun oyida AQSh razvedkasi noma’lum uchuvchi jismlar AQSh milliy xavfsizligiga tahdid solishi mumkinligi haqida hisobot chop etdi. Umuman olganda, 2004 va 2021 yillar oralig‘ida agentlik NUJ ko‘ringan bo‘lishi mumkin bo‘lgan 144 ta holatni sanab o‘tdi, ularni izohlashning imkoni yo‘q.

Deyarli bir yil avval, 2020 yil avgust oyida Pentagon NUJ kuzatilishi holatlarini o‘rganish bo‘yicha maxsus ishchi guruh tuzilganini e’lon qilgan edi.