Xorazmda «O‘zbekiston–Turkmaniston» erkin savdo zonasi tashkil qilinadi 

Iqtisodiyot 20:43 / 28.02.2024 15182

«O‘zbekiston–Turkmaniston» erkin savdo zonasini tashkil etish to‘g‘risida»gi prezident qarori qabul qilindi. 

Qarorga ko‘ra, Xorazm viloyati, Shovot tumanida tovarlarni saqlash, saralash, sotish, transport va boshqa zamonaviy xizmatlar infratuzilmasini tashkil etish uchun «O‘zbekiston–Turkmaniston» erkin savdo zonasi tashkil qilinadi. 

Savdo zonasida:

- zamonaviy texnologiyalar asosida mahsulotlarni qabul qilish, saqlash va saralash xizmatlari ko‘rsatiladi;

- «yagona darcha» va interaktiv mexanizmlar asosida bojxona, soliq, sertifikatlash, fitosanitariya, veterinariya, transport xizmatlari, mavjud infratuzilma va imkoniyatlarni o‘rgangan holda, bank va valuta ayirboshlash, mobil aloqa hamda mijozlar uchun tibbiy, mehmonxona, avtotransport vositalariga texnik xizmat ko‘rsatish va boshqa xizmatlar yo‘lga qo‘yiladi;

- faqat O‘zbekiston va Turkmanistonda ishlab chiqarilgan mahsulotlar savdosi tashkil qilinadi;

- chakana savdo operatsiyalarini amalga oshirish huquqi berilgan «erkin bojxona zonasi» bojxona rejimi amal qiladi;

- O‘zbekiston hududida bo‘lgan xorijiy davlatlar fuqarolari va fuqaroligi bo‘lmagan shaxslar harakatlanish hujjatlari asosida alohida nazorat o‘tkazish punkti orqali o‘tadi va ularning ortga qaytishiga faqat kirgan nazorat o‘tkazish punkti orqali ruxsat etiladi;

- shaxslar, transport vositalari va yuklar erkin harakatlanadi. 

Savdo zonasidagi bino va inshootlar tadbirkorlarga elektron onlayn auksion savdolari asosida ijaraga beradi.

Ko‘proq yangiliklar: