O‘zbekiston tashqi ishlar vazirining o‘rinbosari Muzaffar Madrahimov Vengriya Tashqi ishlar va savdo vazirligining Sharqiy aloqalarni rivojlantirish bo‘yicha davlat kotibi o‘rinbosari Adam Shtifter bilan video-konferens-aloqa shaklida muzokaralar o‘tkazdi.

TIV ma’lumotiga ko‘ra, suhbat chog‘ida O‘zbekiston – Vengriya kun tartibining dolzarb jihatlari, bo‘lajak siyosiy muloqotlar jadvali, parlamentlararo aloqalarni mustahkamlash, xalqaro tashkilotlar va boshqa ko‘p tomonlama tuzilmalar doirasidagi munosabatlarga doir masalalar muhokama qilindi.

Savdo va investitsiyaviy hamkorlikni rivojlantirishga alohida e’tibor qaratildi. Shu nuqtayi nazardan, yirik iqtisodiy tadbirlarni tashkil etish, farmatsevtika, tibbiyot, qishloq xo‘jaligi va avtomobilsozlik sohalarida qo‘shma loyihalarni amalga oshirishni qo‘llab-quvvatlashdan o‘zaro manfaatdorlik bildirildi.

Hududlararo aloqalarni, xususan, Jizzax va Diyor-Moshon-Shopron, shuningdek, Samarqand va Haydu-Bihar o‘rtasidagi hamkorlikni chuqurlashtirish yuzasidan fikr almashildi.