Ukrainada urushning 727-kuni o‘tdi. Asosiy ma’lumotlar:

• RF qo‘shini Ukrainaga dron va raketalar bilan hujum qildi. Ukraina QK ma’lumotiga ko‘ra, 23 ta dronning barchasi urib tushirilgan. Jabrlanganlar haqida ma’lumot berilmagan.
• RF mudofaa vaziri Sergey Shoygu Rossiya qo‘shini Xerson oblastining Dnipr daryosi chap sohilida joylashgan Krinki posyolkasi egallangani haqida ma’lum qildi, Ukraina qurolli kuchlari yozda bu yerda o‘z platsdarmini tashkil etgandi. Ukraina tomoni hozircha bu borada izoh bermadi.
• Germaniyadagi hukmron koalitsiya Ukrainaga uzoq masofaga harakatlanuvchi qurollar berish to‘g‘risidagi rezolyutsiyani tayyorladi. Katta ehtimol  bilan gap Kiyev anchadan buyon so‘rab kelayotgan Taurus raketalari haqida bormoqda. Hujjatning o‘zida raketalar haqida to‘g‘ridan to‘g‘ri gap ketmagan.
• Rossiyada ayblov tomoni Qur’oni karimni yoqqan Nikita Juravel uchun 3,5 yillik qamoq jazosi so‘radi. Tergov ayblanuvchi Ukraina xavfsizlik xizmati topshirig‘i bo‘yicha harakatlangan deb hisoblamoqda.
• Moskva sudi Rossiya armiyasi to‘g‘risida «feyk» tarqatgan siyosatchi Leonid Gozmanni sirtdan hibsga oldi. Gozman Rossiyada yashamaydi.
• FXX Yekaterinburgda Rossiya va AQSh fuqarosi bo‘lgan ayol davlatga xiyonat bo‘yicha qo‘lga olinganini ma’lum qildi. U Ukraina qurolli kuchlari uchun pul yig‘ishda ayblanmoqda.
• AQSh Aleksey Navalniyning o‘limi va Ukrainadagi urushning ikki yilligi munosabati bilan Rossiyaga qarshi sanksiyalarning yirik paketini anons qildi. Hozircha hech qanday tafsilotlar ma’lum emas.

Ukrainalik bolalar Rossiya va Ukrainaning okkupatsiya qilingan hududlaridan qaytishi

Bosib olingan Avdiyivkaning panorama ko‘rinishi

Avdiyivkadan chekingan ukrain askarlari portretlari

Kramatorskdagi vayrongarchilik

Putinning Shoygu bilan uchrashuvi 

Donetsk o‘qqa tutilishi oqibatlari