Ukrainada urushning 722-kuni o‘tdi. Asosiy ma’lumotlar:

• Belgorod Ukraina qurolli kuchlari tomonidan o‘qqa tutildi. Region rasmiylari yetti kishi halok bo‘lib, 19 kishi yaralanganini ma’lum qilgan. Rossiya tergov qo‘mitasi «terakt» moddasi bo‘yicha jinoiy ish qo‘zg‘atgan.
• Financial Times nashri yozishicha, Yevroittifoq elchilari Vengriyaning pozitsiyasi tufayli Rossiyaga qarshi sanksiyalarning 13-paketini kelisha olmagan.
• Rossiya armiyasi Avdiyivkaga kirish joyini egallab oldi. The Washington Post xabariga ko‘ra, ukrain qo‘mondonligi shahardagi qo‘shinlarni olib chiqishni boshlagan.
• Rossiyalik harbiylar tunda Ukrainaning qator regionlarini yoppasiga o‘qqa tutdi. Ukraina qurolli kuchlariga ko‘ra, mamlakat hududi bo‘ylab jami 26 raketa uchirilgan, shundan yarmi urib tushirilgan.
• Sud aktyor Aleksey Paninni sirtdan hibsga oldi, u Qrim ko‘prigidagi portlash to‘g‘risidagi posti tufayli terrorizmni oqlashda ayblangan.
• Bloomberg nashri yozishicha, Donald Tramp prezidentlik saylovlarida g‘alaba qozonsa, Rossiya va Ukrainani muzokaralarni davom ettirishga majburlamoqchi.
• NATO mamlakatlari Ukrainaga bir million dron yetkazib berishni va’da qildi.

Belgorod bo‘ylab zarba

16 fevral tongida Belgorod Ukraina qurolli kuchlari tomonidan o‘qqa tutilishi oqibatida, hudud gubernatori Vyacheslav Gladkovning ma’lumotiga ko‘ra, yetti kishi, jumladan bir yillik qizcha va 80 yoshli ayol halok bo‘lgan, 19 kishi tan jarohatlari olgan.

Gladkov yettita xususiy va beshta ko‘p kvartirali uylarda «turli darajadagi vayrongarchiliklar» aniqlangani, yana bir do‘kon shikastlangani haqida ma’lum qilgan. Bundan tashqari, sanoat korxonalaridan birining hududida shikastlanish qayd etilgan.

TASS agentligining kuchishlatar tuzilmalardagi manbalariga ko‘ra, Belgorod bo‘ylab zarba Ukrainaning chegaradagi Lipsi qishlog‘i hududidan turib yo‘llangan. Rossiya tomoniga ko‘ra, avvalroq Il-76 samolyoti ham shu yerdan turib urib tushirilgandi. Agentlik suhbatdoshi Belgorodga zarba «Vampir» baravar o‘t ochish reaktiv tizimidan yo‘llangani, endi uning joylashuvini aniqlab, «uni yo‘q qilish bo‘yicha ish olib borilayotgani»ni aytgan. Ukraina ushbu hujum yuzasidan izoh bermagan.

Vladimir Putin Nijniy Tagilda

RF prezidenti Putin «Uralvagonzavod»ga tashrif buyurdi. Unga yaqin vaqtlar ichida armiyaga yetkazib beriladigan tanklar ishlab chiqarilayotgan 130-sonli yig‘iuv sexini ko‘rsatishdi.

Bucha yaqinidagi qishloq o‘qqa tutilishidan keyin hosil bo‘lgan o‘ra

Donetsk oblasti Velika Novosilka qishlog‘i hududidagi ukrain jangchilari