“Klasterlarning fermerlar oldidagi qarzdorligi to‘liq to‘lanmagan” – prezident

O‘zbekiston 12:17 / 12.02.2024 11342

Agrar sohadagi ustuvor vazifalar va rejalarga bag‘ishlangan yig‘ilishda sohada hisob-kitob intizomida ham kamchiliklar borligi aytildi.

Qayd etilishicha, klasterlarning fermerlar oldidagi qarzdorligi hali to‘liq to‘lanmagan. Yangi tizimga ko‘ra, oldingi qarzini 1 aprelgacha yopmagan klaster bilan fyuchers shartnomasi bekor qilinadi va fermerga paxtani birjada sotishga ruxsat beriladi.

Ma’lumotni elektron platformaga to‘liq kiritgan va fyuchers shartnoma imzolagan fermerga kredit ko‘pi bilan uch kun ichida ajratilishi shartligi ta’kidlandi.

Shuningdek, bu yil 127 ming gektarda tuproq unumdorligini oshirish va 677 ming gektar yaylovlarni degradatsiyadan chiqarish bo‘yicha yangi dastur amalga oshiriladi.

Yig‘ilishda joriy yilda bog‘, tokzor, sabzavot, poliz, ozuqa ekini va issiqxonadan iborat 1,8 mln gektar yerlarni ham to‘liq raqamlashtirishga topshiriq berildi. Ushbu yerlarda ekinlar joylashuvi, vegetatsiya jarayoni, hosildorligi, mineral o‘g‘it sarfi “Agroplatforma”da yuritiladi.

Ko‘proq yangiliklar: