Tadbirkorlar faoliyati ustidan 5 mingdan ortiq noqonuniy tekshiruv o‘tkazilgan

2023 yilda tadbirkorlar faoliyati ustidan 19 ta nazorat organi tomonidan 5 034 ta noqonuniy tekshiruv o‘tkazilgan. Bu haqda biznes-ombudsman axborot xizmati ma’lum qildi.

Foto: SSP

Qayd etilishicha, hisobot davrida 21 ta nazorat organi tomonidan 14 533 ta holatda tekshirish o‘tkazish tartibi buzilganligi aniqlangan.

Qonunbuzilish holatlari bo‘yicha 1 303 nafar mansabdor shaxsga nisbatan ma’muriy bayonnoma rasmiylashtirilgan, 70 nafar xodimga intizomiy jazo qo‘llanilgan.

2023 yilda biznes-ombudsman tomonidan tadbirkorlarning huquqlarini himoya qilish borasida jami 3 387 ta ta’sir chorasi, shundan 33,5 mlrd so‘mlik 122 ta da’vo arizasi, shikoyat, 113 ta taqdimnoma, 49 ta xulosa, 23 ta ogohnoma va 3 088 ta ma’muriy qo‘llanilgan.

Natijada, sudlar tomonidan 21,4 mlrd so‘mlik da’vo tadbirkorlar foydasiga hal etilgan va 79,6 mlrd so‘mlik hisoblangan qarzdorlik bekor qilingan (hisobdan chiqarilgan), 16 ta qaror haqiqiy emas deb topilgan.

Shuningdek, kiritilgan taqdimnomalar asosida 140 nafar mas’ul shaxs intizomiy javobgarlikka tortilgan.

#tekshiruv #tadbirkor