Jizzaxda 11 mln so‘m evaziga haydovchilik guvohnomasini olib bermoqchi bo‘lgan shaxs ushlandi

U fuqarolardan biriga shu pul evaziga o‘quv-mashg‘ulotlarga qatnashmasdan haydovchilik guvohnomasini olib berishni va’da qilgan.

Foto: Prokuratura departamenti

Bosh prokuratura huzuridagi departamentning xabar berishicha, departamentning Arnasoy tuman bo‘limi tomonidan tezkor tadbir o‘tkazilgan.

Tadbirda fuqaro R.O‘. fuqaro O‘.O.ga yuqori lavozimda ishlovchi tanishlari yordamida o‘quv-mashg‘ulotlarga qatnashmasdan haydovchilik guvohnomasini olib berishi evaziga 11 mln so‘mni olgan vaqtida ashyoviy dalillar bilan ushlangan.

Qayd etilishicha, mazkur holat yuzasidan Jinoyat kodeksining 168-moddasi (firibgarlik) va 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.

#Jizzax #haydovchilik guvohnomasi