Qoʻshimcha funksionallar
-
Tungi ko‘rinish
O‘zbekiston va Polsha o‘rtasida ishbilarmonlar kengashi tuziladi
O‘zbekiston elchisi Amirsaid A’zamxo‘jayev Polsha Milliy savdo palatasi prezidenti, Yevropa Savdo palatalari uyushmasi vitse-prezidenti Marek Klochko bilan uchrashuv o‘tkazdi, deb xabar bermoqda «Dunyo».

Foto: Dunyo AA
Muzokaralar davomida ikki tomonlama savdo-iqtisodiy va investitsiyaviy aloqalarni yanada rivojlantirish, jumladan 2024 yil aprel oyida Toshkentda o‘tkaziladigan Iqtisodiy hamkorlik bo‘yicha O‘zbekiston-Polsha hukumatlararo komissiyaning 8-yig‘ilishi doirasida tashkil etiladigan biznes-forumga puxta tayyorgarlik ko‘rish masalalari muhokama qilindi.
Marek Klochkoning aytishicha, Polsha tomoni o‘zbek ishbilarmon doiralari vakillari bilan elektron tijorat, IT, qishloq xo‘jaligi, oziq-ovqat sanoati sohalarida hamkorlikni yanada rivojlantirishga katta e’tibor qaratmoqda.
Tomonlar O‘zbekiston-Polsha ishbilarmonlar kengashini tuzish bo‘yicha shartnomani komissiyaning 8-yig‘ilishi davomida imzolashga kelishib oldi. Hozirgi kunda Polshaning 8 ta davlat bilan shunga o‘xshash tuzilmalari mavjud. Agar ushbu kengash tuzilsa, O‘zbekiston Markaziy Osiyo davlatlari orasidan birinchisi bo‘ladi.
Bundan tashqari, Polsha tomoni Toshkentda akkreditatsiyadan o‘tgan xorijiy diplomatik vakolatxonalarning savdo-iqtisodiy masalalar bo‘yicha maslahatchilari uchun O‘zbekiston viloyatlariga tanishuv tashriflarini tashkil etishda o‘z tajribasi bilan bo‘lishishga tayyorligini ma’lum qildi.
Mavzuga oid

14:26 / 21.07.2025
Xorijiy investorlar kengashi O‘zbekiston tomonining yangilangan tarkibi tasdiqlandi

09:59 / 21.07.2025
Polsha yana bir bor o‘z fuqarolarini Rossiyaga sayohat qilmaslikka chaqirdi

07:41 / 21.07.2025
O‘zbekiston va Polsha kadrlar tayyorlashni kengaytiradi

11:30 / 14.07.2025