O‘zbekistonning Polshadagi yangi elchisi ish boshladi

O‘zbekiston 23:01 / 09.12.2023 6547

Taqdimot marosimi Polsha rahbarining rasmiy qarorgohi – Varshavadagi Belvedere saroyida bo‘lib o‘tdi.

Rasmiy marosim doirasida bo‘lib o‘tgan suhbat chog‘ida Polsha prezidenti barcha sohalarda ikkitomonlama hamkorlikni yanada faollashtirishdan manfaatdor ekanini tasdiqladi. Polsha O‘zbekistonni Markaziy Osiyodagi muhim va istiqbolli hamkor deb bilishi, mamlakatimizda amalga oshirilayotgan keng ko‘lamli va ortga qaytmas islohotlarni har tomonlama qo‘llab-quvvatlashi alohida ta’kidlandi.

Polshalik general Vladislav Andersning askarlari dafn etilgan maskanni obod etish bo‘yicha ko‘rilayotgan chora-tadbirlar uchun O‘zbekiston hukumatiga minnatdorlik bildirildi.

Ishonch yorliqlari topshirilgandan so‘ng elchi Varshavadagi Noma’lum askar qabriga gulchambar qo‘yish marosimi qatnashdi.

O‘zbekistonning yangi elchisi Amirsaid A’zamxo‘jayev 7 noyabr kuni Varshavaga tashrif buyurgan edi. Bunga qadar u TIV Konsullik-huquqiy departamentida, O‘zbekistonning Istanbuldagi bosh konsuli lavozimlarida ishlagan. Diplomat 38 yoshda. Toshkent davlat jahon tillari universitetini tamomlagan.

Ko‘proq yangiliklar: