Prezident va nomdor davlat stipendiyalari g‘oliblari e’lon qilindi

2023/2024 o‘quv yili uchun prezident va nomdor davlat stipendiyalari g‘oliblari e’lon qilindi. Bu haqda Oliy ta’lim, fan va innovatsiyalar vazirligi ma’lum qildi.

Davom etayotgan o‘quv yili uchun bakalavriat bosqichining 685 nafar talabasiga prezident va nomli davlat stipendiyalari berildi. Ro‘yxat bilan bu yerda to‘liq tanishish mumkin.

Ma’lum qilinishicha, prezident davlat stipendiyasi tanlovida ishtirok etib, suhbat bosqichiga tavsiya etilmagan talabalar rektor tomonidan tasdiqlangan sertifikat hamda bazaviy stipendiya miqdorining 3 baravaridagi bir martalik pul mablag‘i bilan mukofotlanadi.

Shuningdek, nomli davlat stipendiyalari tanlovlarida qatnashib, sovrindor bo‘lolmagan talabalar ham sertifikat hamda bazaviy stipendiya miqdorining 2 baravaridagi bir martalik pul mablag‘i bilan rag‘batlantiriladi.