A guruhi

Gavining jarohati va Holandsiz gollar shousi

Ispaniya — Gurjiston 3:1
Gollar: Le Norman (4), Torres (55), Lochoshvili (72, avtogol) — Kvaratsxeliya (10). 
Ispaniya – Simon, Karvaxal, Martines, Le Norman, Gayya, Fabian Ruis, Rodri (Subimendi, 86), Gavi (Sanset, 26), Ferran Torres (Yamal, 65), Uilyams (Rikelme, 86), Morata.
Gurjiston – Mamardashvili, Kakabadze (Mamuchashvili, 90), Kashiya, Kverkveliya, Lochoshvili, Azarov (Gocholeyshvili, 78), Kvekveskiri (Mekvabishvili, 60), Kochorashvili, Chakvetadze (Altunashvili, 90), Kvaratsxeliya, Mikautadze (Davitashvili, 60).
Ogohlantirishlar: Rodri (56), Kvaratsxeliya (75), Sanol (75), Kashiya (83), Martines (90).

Ispanlar Gurjiston bilan o‘yinni xuddi Tbilisidagi o‘yin natijasini (7:1) takrorlash yoki uni yaxshilashni maqsad qilgandek boshladi. Ferran Torresning jarima zarbasi va Le Normanning tezkor goli, bu «Real Sosiyedad» himoyachisi uchun milliy jamoadagi birinchisi bo‘ldi. Ammo mehmonlar bu safar «mushtlanadigan qop»ga aylanmaslik uchun bor imkoniyatini ishga soldi. 10-daqiqada Chakvetadze himoyachilar orasidan Kvaratsxeliyaga golli pas berdi. Xvicha jami gollari sonini 15 taga yetkazdi va Gurjiston tarixidagi eng yaxshi to‘purarlar poygasida uchinchi o‘ringa ko‘tarilib oldi.

Ammo o‘tkazib yuborilgan gol ispanlarni Gavining jarohati kabi xafa qilmagani aniq. O‘zining reaksiyasiga qaraganda, shikastlanish ancha jiddiy bo‘lgan. Shundan keyin ko‘plar Luis de la Fuentening quyidagi so‘zlarini esladi: «Yaxshi futbolchilar hech qachon dam olishmaydi». Ko‘z tegdimi? Nima bo‘lganda ham bu «Barselona» bosh murabbiyi Xavi uchun juda yoqimsiz xabar, u uzoq davolangan Pedrisiz ancha qiynalgandi, endi esa boshqa bir vunderkindsiz qoldi.

Ispaniyaga Mamardashvili ham muammolar tug‘dirdi. Birinchi bo‘lim oxirida «Valensiya» darvozaboni Morataning yaqin masofadan yo‘llagan zarbasini qaytardi. Ikkinchi bo‘lim boshida — Rodrining hujumini to‘sib chiqdi. Ammo baribir Torresning bosh bilan gazonga cho‘pchitib bergan zarbasini qaytarish imkonsiz edi. Ushbu vinger golini zaxira o‘rindig‘i tomon yugurib borib Gavining futbolkasini ko‘targani ham havbekning tizzadan olgan jarohati jiddiy ekanini yana bir bor tasdiqladi. So‘nggi ma’lumotlarga ko‘ra, birinchi tibbiy ko‘rik futbolchining oldingi xoch suyagi yirtilganini ko‘rsatgan. U endi mavsum oxirigacha maydonga tusha olmasligi va hatto yozda Yevro-2024 va Olimpiadaga ham bora olmasligi mumkin.

Shotlandiya — Norvegiya 3:3
Gollar: Makginn (13), Ostigard (33, avtogol), Armstrong (59) — Donnum (3), Larsen (20), Elyunussi (86).

Glazgoda turnir ahamiyatiga ega bo‘lmagan o‘yinda jamoalar quvnoq futbol namoyish etishdi. Holand, Edegor va Serlotsiz o‘ynagan norvegiyaliklar hayron qoldirdi va yo‘llanmani oldingi turda hal qilib ulgurgan mezbonlarni ikki bor hisobda ortda quvishga majbur qildi. Bu saralashni juda yaxshi o‘tkazgan shotlandlar esa nafaqat javob qaytarishdi, balki hisobda oldinga ham chiqib olishdi. Makginn va Styuart Armstrong ishtirokidagi uchinchi golli kombinatsiya — ushbu futbolchilar bir-birini telepatik darajada tushunishini namoyish etib berdi. Ammo yakunda Makginning jarohati va darvozabonning qo‘pol xatosi Shotlandiyani g‘alabasiz qoldirdi.

G guruhi

Bolgarlar yana favoritni qiynashdi

Serbiya — Bolgariya 2:2
Gollar: Velkovich (17), Babich (82) — Rusev (59), Despodov (69).
Serbiya – Milinkovich-Savich, Velkovich, Babich, Milenkovich, Kostich (Maksimovich, 85), Gudel, Jurichich (Vlahovich, 62), Lukich (Ilich, 76), Jivkovich (Radonich, 76), Tadich, Mitrovich (Mladenovich, 85).
Bolgariya – Naumov, Turitsov, Atanasov, Petkov, Popov, Gruyev, Krastev (Borukov, 77), Krayev (Chochev, 77), Minchev (Rusev, 46), Kolev (Iliyev, 77), Despodov (Kovachev, 90).
Ogohlantirishlar: Petkov (3), Lukich (51).

Serbiyada Vengriyaning xatosidan saboq olish imkoniyati bo‘lgandi. Vengrlar o‘tgan turda guruhda so‘nggi o‘rinni egallab turgan bolgarlar bilan uchrashgan va Yevro yo‘llanmasini infarktga tushiradigan voqealar rivojida qo‘lga kiritgandi — hisobni tenglashtiruvchi gol ikkinchi bo‘limga qo‘shib berilgan sakkizinchi daqiqada urilgandi. Serblar ham bunday asabbuzarlikdan qocha olishmadi va ogohlik qo‘ng‘irog‘i birinchi bo‘limdayoq chalina boshladi.

Masalan, Velkovich darvozabon qaytargan to‘pni boshi bilan baribir to‘rga joylagan holda hisobni ochganidan keyin mezbonlarni Despodovning hujumi vaqtida faqat darvoza to‘sini goldan saqlab qoldi. Serbiyani durang ham qanoatlantirsa-da, hisobda oldinda borgan holda o‘ynash qulayroq edi, chunki parallel kechayotgan uchrashuvda Chernogoriya Budapeshtdagi o‘yinda natija kerak bo‘lmagan vengrlarni mag‘lub etayotgandi. Bolgariya esa yana tishlarini ko‘rsatdi va Rusev ikkinchi bo‘lim boshlarida hisobni tenglashtirdi.

Ko‘p o‘tmay mudofaadagi xatodan keyin Krastev Despodovni serblar darvozaboni bilan yakkama-yakka vaziyatga chiqarib yubordi. Vlahovichning tezkor javob goli esa ofsayd tufayli bekor qilindi. Parallel uchrashuvda Vengriya nihoyat uyg‘onishi va Sobosloi ikki daqiqa ichida dubl qayd etib, o‘yinni 180 darajaga o‘zgartirib yuborishigina mezbonlarni tinchlantirdi. Ortiqcha bosimdan xalos bo‘linganidan keyin o‘yin oxirida Babich hisobni tenglashtirdi.

Szobo solo goal 🌶️#EQGOTT | @AlipayPlus pic.twitter.com/dtRAq7bX3I

— UEFA EURO 2024 (@EURO2024) November 19, 2023

Vengriya — Chernogoriya 3:1
Gollar: Soboslai (67, 68), Nad (90+3) — Rubejich (36).
Vengriya – Dibus, Bolla (Nego, 46), Lang, Salai, Balog, Nad, Gazdag (Kalmar, 46), Nad (Suxodovski, 90), Soboslai, Staylz (Xorvat, 64), Adam (Nemet, 78).
Chernogoriya – Miyatovich (Jukich, 58), Veshovich (Vukchevich, 55), Savich, Vuyachich, Rubejich (Raichkovich, 76), Vukchevich, Yankovich (Radulovich, 70), Kuch, Yovetich, Tsamay (Krstovich, 70), Osmayich.
Ogohlantirishlar: Tsamay (13), Savich (18), Soboslai (26), Rubejich (33), Gazdag (35), Veshovich (47), Vuyachich (70), Dibus (78), Nad (86), Raichkovich (87), Kuch (90).

F guruhi

Pushkashga bir qadam

Belgiya — Ozarboyjon 5:0
Gollar: Lukaku (17, 26, 30, 37), Trossard (90). 
Belgiya – Kastels, Kastan, Vertongen (Ad Dahil, 84), Fas, Teate (Salemakers, 60), Mangalya, Vranks (Tilemans, 46), Trossard, Bakayoko (Karrasko, 60), Lukaku (Openda, 46), Doku.
Ozarboyjon – Magomedaliyev, Xagverdi, Mamedov, Krivotsyuk, Jafarguliyev (Aliyev, 46), Bayramov, Mahmudov (Jamalov, 77), Paskual, Isayev (Diniyev, 46), Emreli (Oxunzoda, 46), Dadashov (Axmadzoda, 64).
Ogohlantirishlar: Paskual (20), Teate (22), Vranks (45), Magomedaliyev (86).
Chetlatish: Paskual (24).

Bu guruhda Belgiya Avstriyani quvib o‘tib, saralash bosqichini birinchi o‘rinda yakunlash imkoniyatini qo‘ldan boy bermasligini barcha tushunib turgandi, shunday ekan, o‘yindagi asosiy intriga saralash bosqichining eng yaxshi to‘purari maqomini kim egallashi bilan bog‘liq edi. Va Lukaku o‘ziga ishonch bildirganlarni uyaltirmadi va tanaffusga qadar to‘rt gol urdi. Raqib esa o‘zi istamagan holda buning uchun qulay sharoit yaratdi, 24-daqiqada Israfilov qo‘pollik va tushunarsiz fol tufayli ikkinchi sariq kartochkani oldi, ozarboyjonliklar bosh murabbiyi Janni De Byazi esa, yagona tayanch yarimhimoyachisini yo‘qotganidan keyin ham futbolchi almashtirib, taktik o‘zgartirishlar kiritishga shoshilmadi. Bunday o‘zgarishlar faqat ikkinchi bo‘limda kuzatildi, bu vaqtda esa Domeniko Tedesko o‘z supersnayperini maydondan olib bo‘lgandi.

Lukaku saralash bosqichidagi gollari sonini 14 taga yetkazdi va Krishtianu Ronalduni to‘rt gol farqi bilan ortda qoldirib ketdi. U bu bilan Yevro-2008 va Yevro-2016 saralashida 13 tadan to‘p kiritgan Devid Hili (Shimoliy Irlandiya) va Robert Levandovskini (Polsha) ortda qoldirib, Yevropa chempionati saralashlarining bir bosqichida gol urish bo‘yicha yangi rekord o‘rnatdi.

Portugaliyalik futbolchi mutlaq yetakchilik qilayotgan (205 o‘yinda 128 gol) Yevropa milliy jamoalari to‘purarlari reytingida esa belgiyalik hujumchi jami 83 ta gol (113 o‘yin) bilan uchinchi o‘ringa chiqib oldi va endi afsonaviy Ferens Pushkashdan (89 o‘yinda 84 gol) faqat bitta golga ortda bormoqda.

Shvetsiya — Estoniya 2:0
Gollar: Klasson (22), Forsberg (55).
Shvetsiya – Olsen, Kraft, Helander, Lindelyof, Augustinsson, Kulusevski, Forsberg (Svanberg, 72), Ekdal (Larsson, 72), Kayuste (Olsson, 85), Klasson (Kvayson, 85), Dokeresh.
Estoniya – Xeyn, Peetson, Tamm (Kuusk, 62), Mets, Paskochiy, Pikk (Tamm, 84), Poom, Tunev (Zenev, 56), Kyayt, Vashuk (Sinyavskiy, 56), Yurgens (Aner, 62).
Ogohlantirishlar: Kuusk (69), Helander (72), Poom (90).

J guruhi

Almashtirilmas Brunu Fernandesh

Portugaliya — Islandiya 2:0
Gollar: Fernandesh (37), Orta (66). 
Portugaliya – Koshta, Mariu (Gerreyru, 63), Diash, Inasiu, Kanselu (J.Nevesh, 87), B.Silva (Orta, 62), Otavio (Vitinya, 75), Fernandesh, Palinya, Ronaldu, Felish (Bruma, 87).
Islandiya – Valdimarsson, Paulsson, Ingason, Hermannsson, Torarinsson, Gudmundsson, Sigurdsson, Youhannesson (Traustason, 62), Torsteynsson (Gudonsen, 62), Villumsson (Ellersson, 62), Finnbogason (Ouskarsson, 46).

Ronaldu, albatta, gol urishni istardi. Ayniqsa o‘zi uchun qadrdon bo‘lgan «Joze Alvalade» stadionida, bu yerda «Sporting» tarbiyalanuvchisiga «sherlar»ning uchinchi formasining maxsus versiyasi topshirildi. Ammo islandlar Krish uchun hech qanday sovg‘a tayyorlashmagandi. Birinchi bo‘limda sardorda gol urish uchun bitta haqiqiy vaziyat bo‘ldi, ammo uning zarbasidan keyin to‘p darvozabon qo‘liga bordi. Golni esa Bernardu Silvaning tovoni bilan yo‘llagan pasidan keyin to‘pni futzal uslubida qabul qilgan va uzoq burchakka aniq yo‘llagan Brunu Fernandesh urdi. U bu saralash bosqichida Portugaliyaning barcha o‘yinlarida boshlang‘ich tarkibda tushgan yagona futbolchi bo‘lib, 14 golda qatnashgan. Yarimhimoyachi olti golni o‘zi urgan, yana sakkiz golga uzatma bergan. Ronaldu esa maydonni baribir golsiz tark etdi, holbuki Joau Feliksning zarbasidan keyin darvozabon to‘pni ushlab qola olmaganda unda o‘z nomini tabloga yozdirib qo‘yish imkoniyati yuzaga kelgandi. Ammo sardor xafa bo‘lmadi va to‘pga birinchi bo‘lib yetib kelgan Rikardu Ortani yuzda tabassum bilan tabrikladi. O‘n o‘yinda o‘n g‘alaba — bu har qanday shaxsiy muvaffaqiyatdan ustunroq.

Bosniya va Hersegovina — Slovakiya 1:2
Gollar: Groshovskiy (49, avtogol) — Bojyenik (52), Satka (71).

Lixtenshteyn — Lyuksemburg 0:1
Gol: Rodriges (69).