Бош прокуратура хабарига кўра, Z.G. МЧЖ раҳбари А.А. хонадон сотиб олиш истагини билдирган 23 нафар фуқаро билан сохта олди-сотди шартномаси тузиб, 4 млрд сўмдан ортиқ пул маблағларини фирибгарлик йўли билан қўлга киритган. У қурилишни тугатмасдан, хонадонларни фуқароларга расмийлаштириб бермасдан, «ўзганинг жуда кўп миқдордаги пул маблағларини» талон-торож қилган. 

Ҳолат юзасидан Жиноят кодексининг 168-моддаси (Фирибгарлик) ва бошқа моддалар билан жиноят иши қўзғатилиб, дастлабки тергов ҳаракатлари олиб борилмоқда.