Украиналик тадбиркор Игор Коломойскийга янги, учинчи айблов эълон қилинди - у 5,8 миллиард гривнани «ўзлаштирганликда» айбланмоқда. Бу ҳақда Украина Хавфсизлик хизмати («СБУ») 15 сентябр, жума куни эълон қилган хабарда айтилади.

Маълумотга кўра, Коломойский, терговчилар фикрига кўра, 2013 йилдан 2014 йилгача ўзига тегишли бўлган «Приватбанк» ходимлари орасидан жиноий гуруҳ тузган, улар орқали сохта пул омонатлари тизимли равишда банк кассасига ўтказилган, аммо аслида ҳеч қандай маблағ олинмаган. 

Ушбу схема, «СБУ»нинг таъкидлашича, Коломойскийга ўз ҳисобларига 5,8 миллиард нақд бўлмаган гривнани олиш имконини берди (ўша даврдаги курс бўйича, тахминан 700 миллион доллар). Коломойский, тергов маълумотларига кўра, ҳисобварақлардаги маблағларни ўз назорати остидаги корхоналардан кредитлар бериш, кредитларни қайтариш учун ишлатган, шунингдек уларни чет элга ўтказган, нақд пулга айлантирган ва банк филиалларида ечиб олган. 

Коломойскийга қарши бошқа айбловлар

Сентябр ойи бошида Украина суди Коломойскийни 509 миллион гривна миқдорида гаров пули эвазига озодликка чиқариш имкони тақдим этилган ҳолда ҳибсга олди. «СБУ» тадбиркор фирибгарликда ва жиноий йўл билан қўлга киритилган мулкни қонунийлаштиришда гумон қилинаётгани ҳақида хабар берди. Тергов маълумотларига кўра, 2013 йилдан 2020 йилгача Коломойский назорати остидаги банк тузилмалари орқали хорижга 0,5 миллиард гривнадан (14 миллион доллар) кўпроқ пул ўтказган.

Ҳибсга олинганидан бир неча кун ўтгач, Коломойскийга иккинчи айблов қўйилди - «Приватбанк» маблағларидан 9,2 миллиард гривнани «эгаллаб олиш».

Forbes Коломойскийнинг бойлигини 1 миллиард долларга баҳолаган. «Приватбанк»дан ташқари, «Укртатнафта» нефтни қайта ишлаш компанияси ва «Укрнафта» нефт-газ компанияси ҳам унинг активи эди - улар ҳам миллийлаштирилди. 2014-2015 йилларда Коломойский Украинанинг Днепропетровск вилояти губернатори лавозимида ишлаган.