Markaziy bank 4 ta to‘lov tashkilotining litsenziyasini chaqirib oldi. Bunga sabab sifatida ularning ustav kapitali qonunchilik talablariga muvofiq shakllantirilmagani keltirilgan.

“O‘zbekiston Respublikasining “To‘lovlar va to‘lov tizimlari to‘g‘risida”gi qonuni 25-moddasiga muvofiq, O‘zbekiston Respublikasi Markaziy banki boshqaruvining qarorlariga asosan:

• “Ozinterpay” mas’uliyati cheklangan jamiyati;
• “Interpay Sys” mas’uliyati cheklangan jamiyati;
• “Wooppay uz” mas’uliyati cheklangan jamiyati;
• “Venkon group” mas’uliyati cheklangan jamiyati

to‘lov tashkilotlarining ustav kapitali qonunchilik talablariga muvofiq shakllantirilmagani munosabati bilan to‘lov tashkiloti faoliyatini amalga oshirish huquqini beruvchi litsenziyalari chaqirib olingani hamda to‘lov tashkilotlari reyestridan chiqarilgani ma’lum qilinadi”, deyiladi MB xabarida.