Ўзбекистондан Қозоғистонга борган фуқарода қизамиқ аниқланди

Жамият 18:26 / 24.07.2023 12250

Қозоғистон пойтахти Остона шаҳрига борган 12 нафар хорижлик фуқарода қизамиқ аниқланди. Бу ҳақда Остона бош давлат санитария шифокори Сарқит Бейсенова маълум қилди.

«2023 йилда 12 нафар бемор бошқа давлатлардан келди ва уларда қизамиқ касаллиги тасдиқланди. Улар Миср, Ўзбекистон, Озарбойжон, Таиланддан келган. Таиланддан келган Россия фуқаросида ҳам денге безгаги қайд этилди. Бу бўйича тегишли чоралар кўрилди», деди Сарқит Бейсенова матбуот анжуманида.

Унинг сўзларига кўра, мамлакатга келган хорижликлар махсус мослама ёрдамида текширилмоқда.

Аввалроқ, Ўзбекистонда 50 нафар беморда қизамиқ аниқлангани айтилган эди.

Кўпроқ янгиликлар