Trend Micro kompaniyasining kiberxavfsizlik bo‘yicha mutaxassislari Big Head nomli yangi virusni aniqladilar. U Internetda Windows yangilanishi va Microsoft Word dasturi o‘rnatuvchisini reklama qilish niqobi ostida tarqalmoqda.

Virusli fayl faollashtirilgandan so‘ng, kompyuter ekranida operatsion tizimni yangilanishini taqlid qiluvchi animatsiya paydo bo‘ladi. Keyin foydalanuvchi kompyuteri bloklangani haqida xabar beradi. Xabarda, shuningdek, tizimni qayta tiklash uchun Telegram orqali hakerlar bilan bog‘lanish va kriptovalutada to‘lovni amalga oshirish kerakligi aytiladi.

Bundan tashqari, Big Head barcha mavjud Windows zaxira nusxalarini shifrlaydi, shunda foydalanuvchi tizimni mustaqil ravishda tiklay olmaydi. Shu bilan birga, virus «Savatcha», Program Files, Temp, Program Data, Microsoft va App Data fayllariga tegmaydi va operatsion tizimning ish faoliyatini saqlab qoladi.

Mutaxassislarning aniqlashicha, Big Head oldin sozlamalarni tekshiradi va agar MDH mamlakatlarida foydalaniladigan tillardan biri tanlangan bo‘lsa, tizimni bloklamaydi. Buning sababi ma’lum emas.

Kibertahdidlarni izlash va tahlil qilishga ixtisoslashgan KELA kompaniyasi virus asoschilari Indoneziyada bo‘lishi mumkinligini taxmin qilmoqda.