Qozog‘iston Rossiya gazining O‘zbekistonga tranzitidan manfaatdor

Jahon 19:54 / 03.06.2023 12337

Qozog‘iston Rossiya gazini o‘z hududi orqali O‘zbekistonga tranzit qilish uchun texnik tayyorlikni ta’minlash niyatida, barcha zarur infratuzilma taqdim etiladi. Bu haqda Qozog‘iston energetika vaziri Almasadam Satqaliyev ma’lum qildi.

«O‘zbekiston va «Gazprom» gaz hajmi va narxi bo‘yicha muzokaralarni davom ettirmoqda. Qozog‘iston o‘z hududi orqali gaz tranziti uchun texnik ta’minotga tayyorligini ma’lum qildi», dedi u.

Satqaliyev so‘zlariga ko‘ra, muzokaralar yakunlanishi bilan barcha zarur infratuzilma taqdim etiladi. Uning taxminiy tayyorgarlik shartlarini baholab, kelasi yilning kuz-qish mavsumi bo‘lishini ta’kidladi.

«Biz ushbu tranzitdan... tranzit uchun mablag‘ olish nuqtai nazaridan va umuman, Markaziy Osiyo mintaqasida energiya ta’minoti ishonchliligini oshirish doirasida manfaatdormiz», dedi u.

Vazir may oyi o‘rtalarida Qozog‘iston rasmiylari Rossiya gazini O‘zbekistonga tranzit qilish masalasini muhokama qilayotganini aytgan edi. Uning so‘zlariga ko‘ra, muzokaralar konstruktiv ruhda davom etmoqda.

Aprel oyida O‘zbekiston energetika vaziri Jo‘rabek Mirzamahmudov O‘zbekistonga Rossiyadan gaz yetkazib berish «Markaziy Osiyo – Markaz» gaz quvuri orqali amalga oshirilishi rejalashtirilganini ta’kidlagan edi.

Ko‘proq yangiliklar: