Dubay Palm Jebel Ali loyihasini 14 yildan keyin qayta tikladi

Jahon 21:56 / 03.06.2023 10999

Dubay amiri 2008 yilda global moliyaviy inqiroz tufayli to‘xtab qolgan va yuzlab xaridorlarni umidsizlikka solib qo‘ygan loyihani qayta tiklab, mashhur palma daraxti shaklidagi sun’iy orollarning eng kattasini rivojlantirishning yangi rejasini tasdiqladi. Bu haqda Al Arabiya xabar berdi.

Palm Jebel Ali loyihasining yangi bosh rejasi 80 ta mehmonxona va dam olish maskanlarini o‘z ichiga oladi va amirlikning sohil chegarasi 110 kilometrga uzayadi.

35 ming oilani qamrab olishi kutilayotgan loyihada hashamatli uylar va xonadonlar bo‘lishi mumkin. Davlat obektlarining taxminan uchdan bir qismi qayta tiklanadigan energiya manbalari bilan ta’minlanadi.

Dubay markazidan taxminan 50 kilometr uzoqlikda joylashgan loyiha 17 ta palma shoxlaridan iborat bo‘lib, cho‘milish sohillari, istirohat bog‘i, villalar va Dubay hukmdori Shayx Muhammad bin Rashid Ol Maktum she’ri bitilgan minglab baland uylarni joylashtirish uchun mo‘ljallangan edi.

Bir necha yil o‘tgach, loyiha tashlab qo‘yildi. 2022 yil oktabr oyida ko‘plab investorlar o‘z xaridlarini muqobil Nakheel loyihasiga almashtirgan bo‘lsa-da, boshqalarga mablag‘larni qaytarish taklif etildi.

30 nafar mulkdor guruhi Dubay sudiga apellyatsiya arizasi bilan murojaat qildi. Sud loyihani rasman bekor qilib, investorlarga faqat dastlabki xaridorlardan olingan summani qaytarish kerak degan qaror chiqardi.

Qayd qilinishicha, so‘nggi vaqtda Dubayda narxi 10 mln dollardan yuqori uylarga talab keskin oshgan. Bu esa shaharningLondon va Nyu-Yorkka yaqinlashishiga yordam bergan.

Knight Frank ko‘chmas mulk firmasi hisobotiga ko‘ra, birinchi chorakda Dubayda bunday uylarning 88 tasi sotilgan.

Ko‘proq yangiliklar: