Qayd etilishicha, pedagogika kolleji talabasi R.M. amaliyotini o‘tash uchun  Yangihayot tumani «Oriyat» MFYda joylashgan 122-sonli davlat maktabgacha ta’lim tashkilotiga 2023 yil 11 may kunidan 4-sonli kichik guruhga  qabul qilingan.

2023 yil 26 may kuni shu guruhdagi tarbiyalanuvchilar uxlamaganligi sababli 2-3 nafariga igna tiqib olganligi aniqlandi. Ma’lum qilinishicha, hozirda talaba R.M. amaliyotdan chetlatilgan.

Mazkur holat yuzasidan Yangihayot tuman IIO FMB tomonidan surishtiruv ishlari olib borilmoqda.

“Hurmatli ota-onalar! Sizning farzandingiz ta’lim-tarbiya olayotgan muassasada yuqoridagi kabi noxush va boshqa noqonuniy holatlar qayd etilayotganiga duch kelsangiz, Toshkent shahar maktabgacha va maktab ta’limi boshqarmasi ishonch telefoni — 71-2370893 raqamiga qo‘ng‘iroq qilishingiz so‘raladi”, deyiladi Toshkent shahar MMTB matbuot xizmati ma’lumotida.