Toshkent shahrining Yakkasaroy tumanida 3 ta transport vositasi ishtirokida yo‘l-transport hodisasi sodir bo‘ldi.

Joriy yilning 26 may kuni soat 14:00 larda Yakkasaroy tumani Shota Rustaveli - Cho‘ponota ko‘chalari kesishgan chorrahada yo‘l-transport hodisasi yuz berdi.

Toshkent shahar IIBB YHXB xabariga ko‘ra, 1996 yilda tug‘ilgan haydovchi boshqaruvida bo‘lgan “Spark” rusumli avtomashina, 1998 yilda tug‘ilgan haydovchi boshqaruvida bo‘lgan “Nexia-3” rusumli avtomashina hamda 1981 yilda tug‘ilgan haydovchi boshqaruvida bo‘lgan KINGLONG rusumli avtobus ishtirokida yo‘l-transport hodisasi sodir bo‘lgan.

YTH natijasida “Spark” rusumli avtomashina haydovchisi tan jarohatlari bilan shifoxonaga yotqizilgan.

Holat yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda.