Бахмутдаги ярадор аскарлар ва Россияда сариқ-кўк рангга қарши кураш. Уруш суратлари

Жаҳон 15:50 / 26.05.2023 21182

Украинадаги урушнинг 456-куни ўтди. Асосий маълумотлар:

  • Россия ва Беларус мудофаа вазирлари россияликлар ядро қуролини Беларусда жойлаштириш бўйича ҳужжатни имзолади. Александр Лукашенконинг сўзларига кўра, жанговар каллакларни жойлаштириш «аллақачон бошланган».
  • Евгений Пригожин «Вагнер» хусусий ҳарбий компанияси жангчиларини Бахмутдан олиб чиқиш бошланганини эълон қилди. Украина мудофаа вазири Анна Маляр вагнерчилар чиндан ҳам шаҳар атрофидан кетганини тасдиқлади — уларнинг ўрнига мунтазам армия қисмлари жойлаштирилмоқда. Аммо ХҲК аъзолари шаҳарнинг ўзида қолишда давом этмоқда.
  • Россия ва Украина навбатдаги асирлар алмашинувини ўтказди. Киев 106 нафар ҳарбий хизматчиси қайтарилганини хабар қилган, Москва озод этилганлар сонига аниқлик киритмаган.
  • Украина президенти офиси маслаҳатчиси Михайло Подоляк Украина қуролли кучларининг қарши ҳужуми бошланиб кетганини айтди.
  • ФХХ Россиянинг иккита АЭС электр узатиш линиялари таянчларини портлатишни режалаштирган «диверсантлар» қўлга олингани ҳақида хабар берди.
  • Америка разведкаси Кремлга дронлар ҳужуми Украина томонидан ташкиллаштирилганини гумон қилмоқда.
  • Буюк Британия парламенти Голодоморни украин халқининг геноцид қилиниши сифатида тан олди. 2022 йил кузида бундай қарор ГФР парламенти томонидан қабул қилинганди.

Кун кадри. Аскар рафиқасининг олдига қайтди

Украиналик ҳарбий хизматчи Лвивдаги темирйўл бекатида рафиқаси билан кўришмоқда
Yuriy Dyachyshyn / AFP / Scanpix / LETA

Украина ҚКнинг Бахмут атрофидаги дала ҳоспитали 

Украин ҳарбийлари ярадор қуролдошини Бахмут атрофидаги тиббий стабилизация пунктига олиб келмоқда
Efrem Lukatsky / AP / Scanpix / LETA
Украиналик ярадор аскар Бахмут атрофидаги тиббиёт пунктида
Efrem Lukatsky / AP / Scanpix / LETA
Ҳарбий шифокорлар Бахмут атрофидаги тиббиёт пунктида ярадор украин жангчиларига биринчи ёрдам кўрсатмоқда
Efrem Lukatsky / AP / Scanpix / LETA
Украиналик ҳарбий ҳалок бўлган қуролдошларининг жасадларини фургонга юкламоқда
Efrem Lukatsky / AP / Scanpix / LETA

Вуҳледардаги украин миномётчилари

Донецк областидаги Вуҳледар — Марйинка линияси — фронтда нисбатан фаол ҳарбий ҳаракатлар давом этаётган участкалардан биридир. Россия қўшини бир-биридан 30 километр масофада жойлашган бу икки шаҳарни эгаллаб олишга ҳаракат қилмоқда, аммо украин ҳарбийлари мудофаани ушлаб туришибди.

Украинларнинг миномёт гуруҳида олдиндаги вазифа муҳокама қилинмоқда
Madeleine Kelly / ZUMA Press Wire / Scanpix / LETA
Миномёт гуруҳи дала майдонида туриб россияликлар позициясига зарба йўлламоқда
Madeleine Kelly / ZUMA Press Wire / Scanpix / LETA

Киев устида дрон портлаши 

25 май куни украин ҳарбийлари Киев устида камикадзе дронни уриб туширишди. Украина ҚК баёнотига кўра, Россия армияси шаҳар бўйлаб Shahed дронлари билан ёппасига ҳужум уюштирган.
Gleb Garanich / Reuters / Scanpix / LETA

Уйи урушда вайрон бўлган аёлнинг ҳаёт тарзи

Донецк областининг Богородичное қишлоғида яшовчи 67 ёшли Любов ҳарбий ҳаракатлар вақтида вайрон бўлган уйи ҳовлисида ўтин майдаламоқда. Любов 2022 йил ёзида эвакуация бўлган, ёзда унинг қишлоғи Россия армия томонидан босиб олинади. Богородичное 14 марта қўлдан қўлга ўтади. Сентябр ойи ўрталарида Украина қуролли кучларининг қарши ҳужуми давомида қишлоқ озод этилади. Аввалига хорижда, кейин Днипродаги қариндошлариникида яшаган Любов вайрон бўлган уйига қайтиб келади. Энди у ертўлада кун кечирмоқда. Урушга қадар Богородичное аҳолиси 800 нафарга яқинни ташкил этган, қишлоқ озод қилингач фақат 18 киши қайтиб келган
Oleg Petrasyuk / EPA / Scanpix / LETA
Любовга бошпана вазифасини ўтаётган ертўла
Oleg Petrasyuk / EPA / Scanpix / LETA
Любов ўз уйи харобалари ўртасида таом тайёрламоқда
Oleg Petrasyuk / EPA / Scanpix / LETA

Омскда сариқ-кўк рангли скамейкаларга қарши кураш

«Омск фуқаролик бирлашмаси» телеграм-канали хабар беришича, ўйин майдончасида Украина байроғи рангларига бўялган ўриндиқни кўриб қолган ўткинчилар полиция чақирган. Кўп ўтмай маҳаллий бошқарув компанияси вакиллари сариқ-кўк рангда бўлган скамейкани оқ-кўк рангга бўяб қўйган.
Омск фуқаролик бирлашмаси

Украинанинг турли ҳудудларидан суратлар

Кўпроқ янгиликлар