Украина президенти Володимир Зеленскийнинг рафиқаси Еленага берилган квартира Россия Федерацияси томонидан аннексия қилинган Қримнинг “Давлат кенгаши депутатлари” қарори билан “миллийлаштирилди”. Йиғилиш 24 май, чоршанба куни бўлиб ўтди. Ялтадаги квартиранинг тақдири ҳақида "парламент раҳбари" Владимир Константинов хабар берди.

Унга кўра, мулк кимошди савдосига қўйилиши режалаштирилган. “Интерфакс-Юг” агентлиги хабарига кўра, 24 май куни Қримда 57 та кўчмас мулк объекти “миллийлаштирилди”.

“Пуллар, биринчи навбатда, махсус ҳарбий операцияда ҳалок бўлганларнинг оилалари, сафарбар қилинганларнинг оилалари эҳтиёжларига йўналтирилади”, - деди Константинов “Россия 24” телеканали эфирида.

Владимир Константиновнинг сўзларига кўра, "миллийлаштириш"дан кейинги тартиб мулкни бошқариш учун махсус яратилган тузилма томонидан амалга оширилади.

Зеленскийнинг ўзи ва унинг рафиқаси маълумотларга ҳозирча изоҳ бермади ва объект Елена Зеленскаяга тегишли эканлигини тасдиқламади.