АҚШ Россияни ғалла битимига тўсқинлик қилаётганликда айблади

Жаҳон 09:56 / 24.05.2023 3668

23 май, сешанба куни Давлат департаменти вакили Мэттью Миллернинг маълум қилишича, АҚШ Россия “ғалла келишуви” бўйича ўз мажбуриятларини бажармаяпти, деган фикрда.

Унинг сўзларига кўра, Украина ғалласини учта портдан тўсиқсиз экспорт қилиш бўйича келишувларга қарамай, Россия улардан бирига кемаларни киритишдан бош тортмоқда. “Бу унинг Қора денгиз ғалла ташаббуси доирасидаги мажбуриятларини очиқдан очиқ бузишидир”, деди Миллер.

"Россиянинг бу ташаббусга доимий қаршилик кўрсатиши ва ундан чиқиш таҳдиди жаҳонда озиқ-овқат нархларининг кўтарилиши, бутун дунё бўйлаб заиф қатламлар учун озиқ-овқат мавжудлигини камайтириш билан хавф солмоқда. Биз Россияни яна бир бор глобал озиқ-овқат захираларини гаровда ушлаб туришни тўхтатишга чақирамиз", - дея Миллернинг сўзларини келтиради Reuters.

Аввалроқ Украина Жамоалар, ҳудудлар ва инфратузилмани ривожлантириш вазирлиги Россия 29 апрелдан бошлаб ғалла шартномасига киритилган учта портдан бири бўлган "Южний" портига кирувчи флотни тўсиб қўйганини маълум қилганди. Агентлик маълумотларига кўра, портга кетаётган кемаларни текшириш ва рўйхатдан ўтказиш тушунтиришсиз рад этиляпти.

Кўпроқ янгиликлар