World Gold Council (WGC) дастлабки маълумотларига кўра, 2023 йилнинг февраль ойида жаҳон марказий банклари олтин-валюта захираси учун 51,7 тонна олтин сотиб олган. 

Февраль ойида энг йирик давлат олтин харидорлари Хитой (24,9 тонна) ва Туркия (22,5 тонна) бўлди. Ўзбекистон (8,1 тонна), Сингапур (6,8 тонна) ва Ҳиндистон (2,8 тонна) ҳам захираларни оширди. Энг кўп сотувчи Қозоғистон (13,1 тонна) бўлди. 

Жаҳон марказий банкларидаги олтин захиралари кетма-кет ўн биринчи ой давомида ўсиб бормоқда. Январь ойида улар 73,7 тонна олтин сотиб олган эди.