«Bugun biz, Moldova xalqi jahon hamjamiyati bilan bir yil avval Bucha shahrida tinch aholiga qarshi sodir etilgan terrorni eslayapmiz. Biz qurbonlar xotirasini hurmat qilamiz va ular uchun motamdamiz», deb yozdi u Twitter’da. 

Moldova rahbari demokratik davlatlarni vahshiyliklarni tergov qilish va aybdorlar jazolanishini ta’minlash uchun hamkorlik qilishga chaqirdi.

Buchadagi marosimda Mayya Sandu va Ukraina prezidenti Volodimir Zelenskiydan tashqari Slovakiya, Sloveniya va Xorvatiya bosh vazirlari Eduard Xeger, Robert Golob va Andrey Plenkovich ishtirok etdi. 

Yevrokomissiya rahbari Ursula fon der Lyayyen Bucha Rossiya qo‘shinlaridan ozod qilinganining bir yilligi munosabati bilan bir yil avval Kiyevga yaqin ushbu hududda sodir bo‘lgan voqea «bitta holat emas»ligini aytdi.

«Bunday sovuqqonlik bilan amalga oshirilgan qatllar kattaroq rejaning bir qismi edi - Kremlning ukrainaliklarni, ularning milliy o‘ziga xosligini yo‘q qilish rejasi». 

U harbiy jinoyatchilar javobgarlikka tortilishiga ishontirdi. 

«Biz Rossiyaning bosqinchilik jinoyati uchun javobgarlikka tortilishini ta’minlashga qaratilgan sa’y-harakatlarni qo‘llab-quvvatlashda davom etamiz. Shu maqsadda, agar kerak bo‘lsa, maxsus tribunal tashkil etilishini qo‘llab-quvvatlaymiz. Biz Ukraina va ukrainaliklar uchun adolatni istaymiz», - deya xulosa qildi Ursula fon der Lyayyen.

28 mart kuni Amnesty International inson huquqlari tashkiloti 2022-2023 yillarga mo‘ljallangan dunyoda inson huquqlari ahvoli haqidagi hisobotini e’lon qildi. 

Ukrainadagi vaziyat bo‘yicha, huquq himoyachilari Rossiya armiyasi harbiy tajovuzkorligining turli oqibatlari, birinchi navbatda, fuqarolik obektlariga hujumlar va boshqa jinoyatlar, masalan, tinch aholiga nisbatan qiynoqlar va jinsiy zo‘ravonliklarni inson huquqlarining asosiy muammosi sifatida tilga olgan. 

Hisobotda tinch aholi jabr ko‘rgan fojiali epizodlar, masalan, Zaporijjyada humanitar karvonga qilingan hujum yoki Kiyev yaqinida - Buchada sudsiz qatl qilish holatlari tanlab olingan.