Joriy yilning 27-28 aprel kunlari Congress Hall Tashkent City’da 2-Toshkent xalqaro investitsiya forumi bo‘lib o‘tadi.
Birinchi Toshkent xalqaro investitsiya forumi dunyoning 56 mamlakatidan 2000 dan ortiq ishtirokchilar - yirik investorlar va yuqori martabali mehmonlarni birlashtirgan yirik xalqaro tadbirga aylangandi.
Toshkent xalqaro investitsiya forumi-2023 qatnashchilarining soni oshishi kutilmoqda, uning davomida O‘zbekiston va Markaziy Osiyo investitsiyaviy salohiyatini atroflicha ochib berishga qaratilgan yalpi majlis, ekspertlarning 30 dan ortiq qizg‘in bahs-munozaralari, yalpi munozaralari, davra suhbatlari va B2B muzokaralari o‘tkazilishi rejalashtirilgan.
Tadbirda ishtirok etish uchun www.iift.uz saytida 2023 yil 20 aprelgacha onlayn ro‘yxatdan o‘tish mumkin.
