YeK rahbari: YeIning Xitoyga munosabati uning Rossiya urushiga bo‘lgan pozitsiyasi bilan belgilanadi

Jahon 16:16 / 30.03.2023 6796

Yevropa Ittifoqi va Xitoy o‘rtasidagi munosabatlar Xitoyning Ukrainadagi Rossiya urushiga munosabati bilan belgilanadi. Bu haqda Yevrokomissiya (YeK) prezidenti Ursula fon der Lyayyen ma’lum qildi

«Xitoyning Putin urushiga qanday munosabatda bo‘lishi hal qiluvchi omil bo‘ladi», dedi fon der Lyayyen Bryusselda. 

U kelasi hafta Fransiya prezidenti Emmanuel Makron bilan birga Pekinga tashrif buyurishi kutilmoqda. 

«Rais Si Ukrainaga shafqatsiz va noqonuniy bosqindan xavotirda emas va Putin Rossiyasi bilan «cheksiz» do‘stligiga sodiq qoladi», dedi fon der Lyayyen. 

Pekin Rossiyaning Ukrainadagi agressiv urushini hozircha qoralamadi. 

«Xitoy adolatli tinchlik izlashda konstruktiv rol o‘ynashga majbur. Ammo bu tinchlik Ukraina suvereniteti va hududiy yaxlitligini hurmat qilishga asoslangan taqdirdagina adolatli bo‘lishi mumkin», - deya davom etdi u. 

«Rossiyaning annexiasini mustahkamlovchi har qanday tinchlik rejasini amalga oshirib bo‘lmaydi», deb ta’kidladi YeK rahbari.

Ko‘proq yangiliklar: