YeIda 2035 yildan benzin va dizelda ishlaydigan avtomobillar ishlab chiqarish taqiqlandi

Jahon 08:21 / 29.03.2023 7550

2035 yildan boshlab Yevropa Ittifoqida benzin yoki dizel yonilg‘isi bilan to‘ldiriladigan yangi avtomobillarni ishlab chiqarish va ro‘yxatdan o‘tkazish mumkin bo‘lmaydi. Tegishli taqiq 28 mart, seshanba kuni Bryusselda Yevropa Ittifoqi vazirlar kengashi tomonidan Germaniya bir necha haftalik maslahatlashuvlardan so‘ng ushbu tashabbusni qo‘llab-quvvatlashga rozi bo‘lganidan so‘ng qabul qilindi.

Shu bilan birga, Berlin uglerodsiz sintetik yonilg‘i vositalari (e-fuel) uchun istisno bo‘lishini ta’kidladi: ichki yonuv dvigatellari (IYoD) bo‘lgan bunday transport vositalari keyin ham ro‘yxatga olinishi mumkin.

Yevropa Komissiyasi vitse-prezidenti Frans Timmermans kelishuvni olqishlab, uni «emissiyasiz harakatlanish yo‘lidagi muhim qadam» deb atadi. Germaniya atrof-muhit vaziri Steffi Lemke, o‘z navbatida, bu harakat «avtomobil sanoatiga rejalashtirish uchun kerak bo‘lgan ishonchni beradi», dedi. Shu bilan birga, u sintetik yonilg‘ida ishlaydigan avtomobillarga nisbatan elektromobillarning afzalligini ta’kidladi.

Ko‘proq yangiliklar: