Олмазор туманида одам ўлими билан якун топган йўл-транспорт ҳодисаси содир бўлди.

Жорий йилнинг 27 март куни соат 11.30 ларда Кичик ҳалқа автомобиль йўли кўчасида 1997 йилда туғилган М.А. бошқарувидаги «Спарк» русумли автомашинани бошқариб келаётиб, 2 нафар пиёдани уриб юборган.

Оқибатда, пиёдалардан бири - 1981 йилда туғилган Б.Т. олган тан жароҳатлари билан тиббий муассасага олиб борилган. Иккинчи пиёда - 1981 йилда туғилган У.М. олган тан жароҳатлари натижасида тиббий муассасага олиб борилган. Бироқ тиббиёт ходимларининг саъй-ҳаракатларига қарамасдан У.М. вафот этган.

Мазкур ҳолат юзасидан Тошкент шаҳар ИИББ Тергов бошқармаси томонидан Жиноят кодексининг 266-моддаси 2-қисми билан жиноят иши қўзғатилган. Тергов давом этмоқда.