Toshkentda «Spark»ning 2 piyodani urib yuborishi oqibatida ulardan biri vafot etdi

O‘zbekiston 17:28 / 29.03.2023 3396

Olmazor tumanida odam o‘limi bilan yakun topgan yo‘l-transport hodisasi sodir bo‘ldi.

Joriy yilning 27 mart kuni soat 11.30 larda Kichik halqa avtomobil yo‘li ko‘chasida 1997 yilda tug‘ilgan M.A. boshqaruvidagi «Spark» rusumli avtomashinani boshqarib kelayotib, 2 nafar piyodani urib yuborgan.

Oqibatda, piyodalardan biri - 1981 yilda tug‘ilgan B.T. olgan tan jarohatlari bilan tibbiy muassasaga olib borilgan. Ikkinchi piyoda - 1981 yilda tug‘ilgan U.M. olgan tan jarohatlari natijasida tibbiy muassasaga olib borilgan. Biroq tibbiyot xodimlarining sa’y-harakatlariga qaramasdan U.M. vafot etgan.

Mazkur holat yuzasidan Toshkent shahar IIBB Tergov boshqarmasi tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilgan. Tergov davom etmoqda.

Ko‘proq yangiliklar: